મહિલાઓને સ્વરક્ષા માટે સુરક્ષાસેતુ યોજના હેઠળ તાલીમ અપાઇ: હર્ષ સંઘવી

મહિલાઓને સુરક્ષા માટે આત્મનિર્ભર બનાવવા સુરક્ષાસેતુ યોજના હેઠળ મહિલાઓને તાલીમ બદ્ધ કરાય છે:મંત્રી ગૃહ રાજ્ય મંત્રી હર્ષ સંઘવી

Published: Saturday, March 11, 2023, 22:26 [IST]

ગૃહ રાજ્ય મંત્રી હર્ષ સંઘવીએ જણાવ્યું છે કે તત્કાલીન મુખ્યમંત્રી અને હાલના વડાપ્રધાન નરેન્દ્રભાઈ મોદીના દુરંદેશી આયોજનના પરિણામે મહિલાઓ ઉપર થતા અત્યાચારને નાથીને ગુનેગારોને કડક સજા થાય એ માટે રાજ્ય સરકારે મક્કમ નિર્ધાર કરીને સમયબદ્ધ આયોજન કરાયું છે.જેના પરિણામે રાજયમાં છેલ્લા ૧૦ વર્ષ કરતા આ વર્ષે મહિલાઓ પર તથા ગુનાઓનું પ્રમાણ ઘટ્યું છે.

આજે વિધાનસભા ખાતે છોટાઉદેપુર જિલ્લામાં સુરક્ષાસેતુ યોજના અંતર્ગત મહિલાઓને સ્વરક્ષણ માટે તાલીમ અંગેના પ્રશ્નના પ્રત્યુતરમાં મંત્રીશ્રી ઉમેર્યું કે, મુખ્યમંત્રી શ્રી ભૂપેન્દ્રભાઈ પટેલના માર્ગદર્શન હેઠળ રાજ્યમાં પોલીસ પ્રજાનો મિત્ર બને અને નાગરિકો તથા પોલીસ વચ્ચે સંવાદ થઈ સામાજિક સમરસતા કેળવાય એ માટે સઘન પ્રયાસો હાથ ધરાય છે.મહિલા સુરક્ષા ધ્યાને લઈને મહિલાઓને ઘરમાં તથા ઘર બહાર જાય ત્યારે તેને સુરક્ષા મળી રહે એ માટે મહિલા સ્વયં સક્ષમ બને એ જરૂરી હોઈ સુરક્ષા સેતુ યોજના હેઠળ સ્વરક્ષણની તાલીમ આપવામાં આવે છે.

મહિલાઓને કાયદાકીય હક્કો અંગે,કામના સ્થળે થતી જાતીય સતામણી,ડોમેસ્ટિક વાયોલેન્સ સામે કેવી રીતે રક્ષણ મેળવું એ અગે તાલીમ અને માર્ગદર્શન આ યોજના હેઠળ આપવામાં આવે છે. આ માટે રાજ્યમાં મહિલા સંરક્ષણ અને મહિલા વિરુદ્ધ ગુનાઓ ન થાય એ માટેનું વાતાવરણ ઊભું થાય એવા પ્રયાસો પણ હાથ ધરાય છે. રાજ્યમાં મહિલાઓને ગુનાઓ સામે રક્ષણ મળી રહે "૧૮૧" અભયમ હેલ્પલાઇન તથા સાયબર ગુનાઓના રક્ષણ માટે ૧૯૩૦ સાયબર બુલીન હેલ્પલાઇન કાર્યરત કરાઇ છે.સુરક્ષા સેતુ યોજના હેઠળ રાજ્યમાં છેલ્લા બે વર્ષમાં ૧૪,૭૬,૧૭૧ મહિલાઓને તાલીમબધ્ધ કરાઈ છે.

મહિલાઓને સંરક્ષણ તાલીમ ઉપરાંત હસ્તકલા કામગીરી,સાયબર ક્રાઈમ સુરક્ષા અંગેની તાલીમ પણ અપાય છે.આ યોજના હેઠળ મહિલાઓ ઉપરાંત બાળકો - વૃદ્ધોને પણ સંરક્ષણ આપવા માટેના પ્રયાસો હાથ ધરાય છે.બાળકોને પોલીસનો ડર દૂર થાય અને પોલીસ પ્રજાનો મિત્ર બનેએ આશયથી રાજ્યમાં સ્ટુડન્ટ પોલીસ કેડેટ યોજના કાર્યરત છે.જેમાં રાજ્યમાં બાર જેટલા સુરક્ષા રથ કાર્યરત છે જેના દ્વારા પ્રચાર પ્રસારની કામગીરી કરવામાં આવે છે.

છેલ્લા બે વર્ષમાં સ્ટુડન્ટ પોલીસ કેડેટ યોજના હેઠળ ૯૯,૫૭૫ બાળકોને પોલીસ સ્ટેશનની મુલાકાત કરાવાઈ છે અને ૫,૧૦,૨૩૬ બાળકોને ટ્રાફિકના નિયમો અંગે જાણકારી અપાઈ છે. આ ઉપરાંત બાળકોએ આવનારા સમયનું ભાવિ છે ત્યારે તેઓમાં જાગૃતિ આવે એ આશયથી વ્યસનમુક્તિ અંગે માર્ગદર્શન તેમજ સ્વચ્છ મિશન અંગેની પણ તાલીમ પણ આપવામાં આવે છે. છોટાઉદેપુર જિલ્લામાં સુરક્ષા સેતુ યોજના અંતર્ગત ૧૧,૨૯૦ મહિલાઓને તેમજ ખેડા જિલ્લામાં ૪૭૫૬ મહિલાઓને તાલીમ પૂરી પાડવામાં આવી છે.

Published On March 11, 2023