વાઇબ્રન્ટ ગુજરાત ગ્લોબલ ટ્રેડ શો 2024: MSME મંત્રાલયની સહાયથી મહિલાઓ બની આત્મનિર્ભર

VGGS 2024: વાઇબ્રન્ટ ગુજરાત ગ્લોબલ ટ્રેડ શો 2024 આજે નગરજનો માટે ખુલ્લુ મુકવામાં આવ્યું છે. ગાંધીનગર તથા આસપાસના વિસ્તારના નગરજનોએ આજે ટ્રેડ શોની મુલાકાત લીધી હતી.

આ પ્રદર્શનમાં મહિલાઓને સ્વનિર્ભર બનાવવા તેમનાં કૌશલ્યનો ઉપયોગ રોજગારીમાં પરિવર્તિત કરવા લેવાયેલા પગલાના સ્ટોલે આકર્ષણનું કેન્દ્ર બન્યો છે. લઘુ, મધ્યમ અને સૂક્ષ્મ મંત્રાલયના સહયોગથી જે કારીગરો પોતાના કૌશલ્ય પ્રમાણે પોતાનો ઉદ્યોગ સ્થાપિત કર્યા છે, અને રોજગારી મેળવી રહ્યા છે, તે પેવેલિયનમાં સૌથી વધુ મુલાકાતીઓ મુલાકાત કરી પસંદગીની ચીજ વસ્તુઓ ખરીદી રહ્યા છે.

આ ડોમની વિશેષતા એ છે કે, તેમાં પ્રધાનમંત્રી વિશ્વકર્મા યોજના, ઉદ્યોગ રજિસ્ટ્રેશન, ચેમ્પિયન પોર્ટલ વગેરે જેવા MSME ના વિવિધ વિભાગો પ્રજાને તેમના કૌશલ્ય પ્રમાણે મદદરૂપ થવા માટે સહયોગરૂપ બન્યા છે.

આ પેવેલિયનમાં મહિલાઓ માટે ખાદી ઇન્ડિયા, વિવિધ પ્રકારના મસાલાની પ્રોડક્ટસ, કપડાઓ,સાડીઓ, જ્વેલરી ડેકોરેટિવ આઈટમ્સ વગેરે આકર્ષણનું કેન્દ્ર બન્યા છે. સરકારના સહયોગ દ્વારા દેશના વિવિધ રાજ્યો ગુજરાત, રાજસ્થાન, મહારાષ્ટ્ર, કેરળ, મધ્ય પ્રદેશ વગેમાંથી મહિલાઓએ ભાગ લીધો છે.

સ્ટોલ નંબર 354 અને 355 ની કલકત્તાની મહિલાઓ દ્વારા ખાદી સિલ્ક, કાથા વર્ક, બંગાળી વર્ક, કાશ્મીરી વર્ક તથા ભાત ભાતની રંગબેરંગી સાડીઓ, ડ્રેસ મટીરીયલ, કુર્તાઓનું સુંદર કલેક્શન મહિલાઓને મુગ્ધ કરી દે છે.

આ પેવેલિયનમાં વડોદરાની કોઈ (KOI) કંપની દ્વારા મહિલાઓ માટે પ્રિમિયમ સાથે અફોર્ડેબલ પ્રાઈઝમાં નાઈટવેર મેટરનીટી વેરનું કલેક્શન છે. આ સ્ટોલના ફાઉન્ડર ગુજરાત સરકારના MSME મંત્રાલયના આભારી છે જે તેમને વાઇબ્રન્ટ ગુજરાત ગ્લોબલ ટ્રેડ શોમાં પ્લેટફોર્મ પૂરું પાડવા માટે સહયોગી બન્યું છે.

English summary

VGGS 2024: Women become self-reliant with the help of MSME Ministry