સૌરાષ્ટ્રની બે ટ્રેન ડાયવર્ટ/વિસ્તૃત કરાઇ, જાણો નવું ટાઇમટેબલ

ગાંધીનગર: ભારતીય રેલવે મંત્રાલય દ્વારા ગયા અઠવાડિયે સૌરાષ્ટ્ર તરફ જતી ત્રણ ટ્રેનોના ડાયવર્ઝન અને વિસ્તરણની જાહેરાત કરવામાં આવી હતી.

આ ટ્રેનોમાં ટ્રેન નંબર 09568/65 ભાવનગર-જેતલસર પેસેન્જર છે, જેને પોરબંદર સુધી લંબાવવામાં આવી છે; ટ્રેન નંબર 09566/67 ભાવનગર-જેતલસર પેસેન્જર, જે હવે વેરાવળ સુધી લંબાવવામાં આવી છે; અને ટ્રેન નંબર 19207/08 પોરબંદર-વેરાવળ એક્સપ્રેસ, જે જેતલસર થઈને રાજકોટ તરફ વાળવામાં આવી છે.

આ ટ્રેનોનું નવું ટાઇમટેબલ

ટ્રેન નં. 19207/08 પોરબંદર-વેરાવળ એક્સપ્રેસ, જે હવે જેતલસર થઈને રાજકોટ તરફ ડાયવર્ટ કરવામાં આવી છે, તે પોરબંદરથી સવારે 5:45 કલાકે ઉપડશે, તે સવારે 8:20 કલાકે જેતલસર પહોંચશે, જ્યાં આ ટ્રેન 18 મિનિટ રોકાશે અને સવારે 8:38 કલાકે ઉપડશે: અંતે 10:25 કલાકે રાજકોટ પહોંચશે.

પરત ફરતી વખતે, ટ્રેન 19208 રાજકોટથી સાંજે 4:10 કલાકે ઉપડશે, સાંજે 5:50 કલાકે જેતલસર પહોંચશે, જેતલસરથી સાંજે 6:00 કલાકે ઉપડશે અને તેના અંતિમ મુકામ પોરબંદર રાત્રે 9:50 કલાકે પહોંચશે.

ટ્રેનના કોમર્શિયલ સ્ટોપેજમાં રાણાવાવ, તરસાઈ, વાંસજાળીયા, બાલવા, જામ જોધપુર, પાનેલી મોતી, ભાયાવદર, ઉપલેટા, સુપેડી, ધોરાજી, જેતલસર, નવાગઢ, વિરપુર, ગોંડલ અને ભક્તિનગરનો સમાવેશ થાય છે.

ટ્રેન નં. 09568 ભાવનગર-જેતલસર પેસેન્જર, જે પોરબંદર સુધી લંબાવવામાં આવી છે, તે ભાવનગરથી બપોરે 3:10 કલાકે ઉપડશે, જેતલસર સાંજે 7:15 કલાકે પહોંચશે અને 5 મિનિટના હોલ્ટ બાદ પોરબંદર માટે 7:10 કલાકે રવાના થશે. જે પોરબંદર રાત્રે 10.20 કલાકે પહોંચશે.

પરત ફરતી વખતે, ટ્રેન 09565 પોરબંદરથી સવારે 7:30 કલાકે ઉપડશે, સવારે 10:10 કલાકે જેતલસર પહોંચશે, જેતલસરથી સવારે 10:20 કલાકે ઉપડશે અને બપોરે 2:20 કલાકે તેના અંતિમ મુકામ, ભાવનગર પહોંચશે.

આ વિસ્તૃત રૂટ પર ટ્રેનના સ્ટોપેજમાં વાંસજાળીયા, જામ જોધપુર, પાનેલી મોતી, ભાયાવદર, ઉપલેટા અને ધોરાજીનો સમાવેશ થાય છે.

ટ્રેન નંબર 09566 ભાવનગર-જેતલસર પેસેન્જર, જેને હવે વેરાવળ સુધી લંબાવવામાં આવી છે, તે ભાવનગરથી સવારે 4:40 કલાકે ઉપડશે, જેતલસર સવારે 8:30 કલાકે આવશે અને 10 મિનિટના હોલ્ટ બાદ વેરાવળ માટે 9 કલાકે રવાના થશે. જે બાદ સવારે 11:30 કલાકે વેરાવળ પહોંચશે.

પરત ફરતી વખતે ટ્રેન નં. 09567 વેરાવળથી બપોરે 2:40 કલાકે ઉપડશે અને સાંજે 5:05 કલાકે જેતલસર પહોંચશે. ટ્રેન જેતલસરથી સાંજે 5:30 કલાકે ઉપડશે. રાત્રે 9:50 વાગ્યે ભાવનગર પહોંચવાનું છે.

આ વિસ્તૃત ભાગ પરના કોમર્શિયલ સ્ટોપેજમાં જૂનાગઢ, કેશોદ, માળીયા હાટીના અને ચોરવડ રોડનો સમાવેશ થાય છે.

English summary

Two Saurashtra trains diverted/extended, know new timetable