સુરેન્દ્રનગર: મોરસલ ડેમ 100 ટકા ભરતા નીચાણવાળા ગામોને અલર્ટ કરાયા

સુરેન્દ્રનગર જિલ્લાના ચોટીલા તાલુકામાં હીરાસર ગામ પાસે આવેલ મોરસલ ડેમ ૧૦૦ ટકા ભરાઇ ગયો છે. ઉપરાંત ડેમની પુર્ણ જળસપાટી ૧૭૭ મીટર છે, જે સંપૂર્ણ ભરાઇ ગયેલ છે. તેમજ પાણીની ધીમી આવક ચાલુ છે તો ડેમ ગમે તે સમયે ઓવરફ્લો થવાની શક્યતા છે જેથી ડેમના નીચાણવાળા વિસ્તારોમાં આવતા ચોટીલા તાલુકાના હબીયાસર અને નાની મોરસલ તેમજ સાયલા તાલુકાના મંગલકુઈ, મોટી મોરસલ, સેખપર, સેજકપર અને ટીટોળા ગામના લોકોને બંધની ઉપરવાસમાં અને નીચાણવાસમાં આવતા વિસ્તારોમાં કે નદીના પટમાં અવર-જવર ન કરવા તથા સાવચેત રહેવા તાકીદ કરવામાં આવે છે.

English summary

The low-lying villages were alerted when Morsal Dam was filling up