Sabarkantha Lok Sabha Election Results 2024 LIVE Gujarati: સાબરકાંઠા રિઝલ્ટ, શોભાબેન બરારિયા Vs તુષાર ચૌધરી

Updated: Tuesday, June 4, 2024, 9:35 [IST]

Sabarkantha Lok Sabha Election Result Live in Gujarat: સાબરકાંઠા ઉત્તર ગુજરાતમાં આવેલી લોકસભા સીટ છે. આ લોકસભા સીટમાં હિંમતનગર, ઈડર, ખેડબ્રહ્મા, ભિલોડા, મોડાસા, બાયડ, પ્રાંતિજ જેવા વિધાનસભા મતવિસ્તારો સામેલ છે. 2019ની લોકસભા ચૂંટણીમાં ભાજપના દિપસિંહ શંકરસિંહ રાઠોડે સાબરકાંઠા લોકસભા બેઠક પર 701,984 મત મેળવી જીત હાંસલ કરી હતી. 2014માં પણ ભાજપના દિપસિંહ રાઠોડ જ સાબરકાંઠા બેઠક જીત્યા હતા.

લોકસભા ચૂંટણી 2024માં ભાજપે સાબરકાંઠા સીટ પરથી શોભના બારૈયાને ટિકિટ આપી હતી અને કોંગ્રેસે તેમની સામે તુષાર ચૌધરીને ઉભા કર્યા હતા. સાબરકાંઠામાં કૂલ 19 લાખ 76 હજાર 349 મતદારો નોંધાયેલા છે, જેમાંથી 63.56 ટકા એટલે કે 12 લાખ 56 હજાર 210 મતદારોએ લોકસભા ચૂંટણી 2024માં પોતાના મતાધિકારનો ઉપયોગ કર્યો હતો.

સાબરકાંઠા બેઠકમાં ભાજપ જીતની હેટ્રિક લગાવી ચૂક્યું છે. 2009માં પણ ભાજપના મહેન્દ્રસિંહ ચૌહાણ સાબરકાંઠાથી ચૂંટાઈને સંસદ ભવન પહોંચ્યા હતા. જો અત્યાર સુધીની તમામ ચૂંટણીઓ પર નજર ફેરવીએ તો કોંગ્રેસ 11 વખત સાબરકાંઠા બેઠક જીતી છે જ્યારે ભાજપ માત્ર 4 વખત જ સાબરકાંઠા બેઠક જીત્યું છે.

પરંતુ છેલ્લી 3 ટર્મથી મોદી મેજિકને પગલે ભાજપ પક્ષ સતત આ બેઠક જીતતો આવી રહ્યો છે. પરંતુ શું ભાજપ પોતાની જીતનો સિલસિલો યથાવત રાખી શકશે કે પછી કોંગ્રેસ ફરીથી પોતાનો જૂનો ગઢ ગણાતી સાબરકાંઠા જીતવામાં સફળ થશે? જાણવા માટે બન્યા રહો વનઈન્ડિયા ગુજરાતી સાથે અને મેળવો Sabarkantha result live માત્રને માત્ર વનઈન્ડિયા ગુજરાતી પર.

લાઇવ અપડેટ

8:25 AM - કોંગ્રેસે લીડનું પોતાનું ખાતું ખોલ્યું છે. ગુજરાતની એક સીટ પર લીડ મેળવી છે. શરૂઆતી ટ્રેન્ડ આવવા શરૂ થઈ ગયા છે. સાબરકાંઠાથી કોંગ્રેસના ઉમેદવાર તુષાર ચૌધરી આગળ ચાલી રહ્યા છે.

9:34 AM - સાબરકાંઠામાં કોંગ્રેસ માટે નિરાશાજનક સમાચાર, તુષાર ચૌધરીની લીડ તુટી રહી છે. હવે ભાજપના ઉમેદવાર શોભનાબેન બારૈયા આગળ ચાલી રહ્યાં છે.