મહેસાણાઃ વિસનગર ખાતે જુગારધામમાં પરેશ રાવલના ભાઈ રેડમાં પકડાયા

શ્રાવણ મહિનો શરૂ થતાં જ ઠેર ઠેર જુગારધામો ચાલુ થઈ જતા રાજ્યની પોલિસ આવા જુગારધામો પર દરોડા પાડી રહી છે.

Updated: Wednesday, July 22, 2020, 13:24 [IST]

શ્રાવણ મહિનો શરૂ થતાં જ ઠેર ઠેર જુગારધામો ચાલુ થઈ જતા રાજ્યની પોલિસ આવા જુગારધામો પર દરોડા પાડી રહી છે. આ જ ક્રમમાં મહેસાણાના વિસનગરના મથુરાદાસ ક્લબના મકાનમાં પોલિસે રેડ પાડતા 20 જુગારિયા પકડાયા હતા. આ જુગારધામ વિસનગરમાં પરેશ રાવલનો પિતરાઈ ભાઈ કીર્તિ રાવલ ચલાવતો હતો.

સોમવારે રાતે મહેસાણા એલસીબીએ ભાજપના પૂર્વ સાંસદ અને પરેશ રાવલના ભાઈ હિમાંશુ રાવલ અને કીર્તિ રાવલના જુગારધામમાં દરોડા પાડ્યા હતા. જેમાં ૧.૯૪ લાખની રોકડ રકમ, ૧૬ મોબાઇલ અને ત્રણ વાહન મળી ૬.૩૩ લાખનો મુદ્દામાલ કબજે કરાયો. લોકડાઉનમાં હિમાંશુ રાવલ બોમ્બેથી વિસનગર ખાતે રહેવા આવ્યો હતો.

આ મથુરાદાસ ક્લબ મહેસાણાના વિસનગરમાં કૃષ્ણ સિનેમા પાસે આવેલુ છે. શહેરની વચ્ચોવચ આ જુગારધામ ચાલતુ હોવા છતાં સ્થાનિક પોલિસને આ અંગે કોઈ માહિતી નહોતી. માહિતી મુજબ હિમાંશુ રાવલ અને કીર્તી રાવલ બહારથી માણસો બોલાવી જુગાર રમાડતા હતા. આ ક્લબમાં કીર્તિ રાવલ ટ્રસ્ટી છે.