22 ભારતીય માછીમારોને પાકિસ્તાને છોડ્યા, બોર્ડર પર સર્જાયા ભાવુક દ્રશ્યો

Wagah Border: પાકિસ્તાન દ્વારા 22 ભારતીય માછીમારોને મુક્ત કરવામાં આવ્યા છે. મુક્ત કરવામાં આવેલા તમામ માછીમારો અટારી-વાઘા સરહદ દ્વારા ભારતમાં પ્રવેશ્યા હતા. સ્વદેશ પાછા ફરતાં બધાના ચહેરા પર ખુશી જોવા મળી હતી.

આ દમરમિયાન વતન પરત ફરેલા માછીમારોને જોઈ પરિવારોની આંખોમાં હરખના આંસુ જોવા મળ્યા હતા. લાંબા સમય બાદ પરિવાર સાથે મિલન કરતા બોર્ડર પર ભાવુક દ્રશ્યો સર્જાયા હતા.

ઉલ્લેખનીય છે કે, મુક્ત કરવામાં આવેલા મોટાભાગના માછીમારો ગુજરાતના છે. આ લોકો માછીમારી કરતી વખતે ભૂલથી પાકિસ્તાનની સરહદમાં ઘૂસી ગયા હતા. આ પછી, પાકિસ્તાન પોલીસે તેને પકડી લીધો અને જેલમાં ધકેલી દીધા હતા.

અટારી-વાઘા બોર્ડર પરના પ્રોટોકોલ ઓફિસર અરુણપાલ સિંહે જણાવ્યું હતું કે, પાકિસ્તાને આજે 2021-22માં માછીમારી કરતી વખતે પકડાયેલા 22 માછીમારોને મુક્ત કર્યા છે. તેમને અલગ અલગ સજાઓ આપવામાં આવી હતી; કેટલાકને 36 મહિનાની, કેટલાકને 1 વર્ષની, તો કેટલાકને 2 વર્ષની સજા ફટકારવામાં આવી હતી. તેમને મુક્ત કરવામાં આવ્યા છે, અને તેઓ આજે અહીં પહોંચ્યા છે, અને બધા ખુશ છે. મુક્ત કરાયેલા માછીમારોમાંથી ગુજરાતના 18, 3 દીવના અને એક યુપીના છે.

પાકિસ્તાની અધિકારીઓ વાઘા બોર્ડર દ્વારા ભારતીય માછીમારોને સ્વદેશ પરત મોકલે છે, જ્યાં ભારતીય અધિકારીઓ સત્તાવાર ઔપચારિકતાઓ પૂર્ણ કર્યા પછી દરિયાકાંઠાના સમુદાયોમાં તેમના પાછા ફરવાની સુવિધા આપે છે.

બંને દેશો નિયમિતપણે હરીફ માછીમારોની ધરપકડ કરે છે, જેઓ ખોટી રીતે સીમાંકિત દરિયાઈ સીમાઓને કારણે ઘણીવાર એકબીજાના પાણીમાં પ્રવેશ કરે છે.

ઉલ્લેખનીય છે કે, 1 જાન્યુઆરીએ બંને દેશો વચ્ચે થયેલા કેદીઓની યાદી અનુસાર, પાકિસ્તાનમાં 266 ભારતીય કેદીઓ (49 નાગરિક કેદીઓ અને 217 માછીમારો) હતા.

ભારત દ્વારા શેર કરવામાં આવેલી યાદી દર્શાવે છે કે, ભારતીય જેલોમાં કુલ 462 પાકિસ્તાની (381 નાગરિક કેદીઓ અને 81 માછીમારો) હતા.

#WATCH | Amritsar, Punjab: Arunpal Singh, Protocol Officer at Attari-Wagah border, says, "Pakistan today released 22 fishermen who were caught while fishing in 2021-22. They were given different sentences; someone was sentenced for 36 months, 1 year, 2 years. They have been… https://t.co/3KHsxs9JGc pic.twitter.com/4QdVUlap2l

— ANI (@ANI) February 22, 2025

English summary

Pakistan releases 22 Indian fishermen, emotional scenes on Wagah Border