નીતા અંબાણીની 40 લાખની સાડી, ગિનિસ બુકમાં?

દેશના જાણીતા ઉદ્યોગપતિ મુકેશ અંબાણીની પત્ની નીતા અંબાણીની એક પ્રસિદ્ઘ બિઝનેસ વૂમન હોવાની સાથે જ એક જાણીતી ફેશન ઓઇકોન તરીકે પણ નામના ધરાવે છે. ત્યારે હાલમાં નીતા અંબાણી દ્વારા પહેરવામાં આવેલી એક સાડીનું હવે ગિનિસ બુક ઓફ વર્લ્ડ રેકોર્ડમાં નામ લખવામાં આવ્યું તેવી ચર્ચા થયા બાદ સોશ્યલ મીડિયા પર આ સમાચાર આગની જેમ ફેલાઇ ગયા.

નોંધનીય છે કે આ સાડી તેમણે વર્ષ 2014માં રિલાયન્સ ઇન્ડ્રસ્ટ્રી ગ્રુપના સીઇઓ પીરામલ નાથવાનીના પુત્રના લગ્નમાં પહેરી હતી. આ સાડીનું નામ "વિવાહ પાતુ" છે. જેને ભારતના જાણીતા આર્ટ આઇકોન રાજા રવિ વર્માના પેન્ટિંગથી પ્રેરિત થઇને બનાવવામાં આવી હતી. આ સાડીમાં સાચા સોનાની ઝરીનું કામકાજ કરવામાં આવ્યું છે. એટલું જ નહીં આ સાડીના કૃષ્ણની ડિઝાઇનમાં રિયલ રુબી અને પુખરાજ તેમજ મોતી અને ટોપાજ જેવા કિંમતી નગીના લગાવવામાં આવ્યા છે.

આ સાડી ચેન્નઇના કાંચીપુરમની 36 કુશળ મહિલાઓ પોતાના હાથોથી બનાવી છે. આ સાડીનું વજન આઠ કિલો છે. અને તેને બનાવવામાં લગભગ 1 વર્ષનો સમય લાગ્યો. ત્યારે પૂર્ણ રીતે હાથથી બનેલી આ સાડી હવે ગિનિસ બુક ઓફ વર્લ્ડ રેકોર્ડમાં સામેલ કરવામાં આવી છે, તેવી ચર્ચા છે.

ત્યારે આ વાતમાં કેટલી હકીકત છે તે વાતનો ખુલાસો તો માત્ર નીતા અંબાણી જ કરી શકે છે. પણ હાલ તો આ ખબર વાયરલ થતા ટ્વિટર, ફેસબુક અને વોટ્સઅપ પર બધે નીતા અંબાણીની આ સાડીની જ ચર્ચા કરવામાં આવી રહી છે.

English summary

The 51-year-old Nita Ambani is always in limelight for her sports teams or in connection to the business. Being the wife of the richest Indian has multiple perks and that include splurging a whooping Rupees Forty Lakhs on a sari.. At the wedding of the Reliance Industries’ Group CEO – Parimal Nathwani’s son in Ahmedabad.