નવેમ્બર 4, 2014 : ગુજરાત ન્યૂઝ અપડેટ્સ

ગતિશીલ ગુજરાતમાં રોજબરોજ અનેક ઘટનાઓ બનતી હોય છે. આ અનેક ઘટનાઓમાં કેટલીક મહત્વની ઘટનાઓ સમાચાર બનતી હોય છે. રાજકારણ, સરકાર, સંસ્કૃતિ, કલા, વારસો, પરંપરા, શોધ, વિજ્ઞાન વગેરે ક્ષેત્ર સાથે સંકળાયેલી દિવસભરની મહત્વની ઘટનાઓ પર ફટાફટ નજર ફેરવી લઇને રહો અપડેટ...

સુરતઃ અંગત અદાવતમાં મિત્રના હાથે મિત્રની હત્યા
સુરતના અમરોલી વિસ્તાર સ્થિત અંજની ઇન્ડસ્ટ્રીઝની છત પરથી એક કારીગરનો મૃતદેહ મળી આવ્યો હતો. જે સબબ પોલીસે અજાણ્ય શખ્સ વિરુદ્ધ હત્યાનો ગુનો નોંધી તપાસ હાથ ધરી હતી. જે દરમિયાન પોલીસને શંકા જતા પોલીસે મૃતક તરૂણના મિત્ર રવિની પૂછપરછ કરતા આ હત્યાનો ખુલાસો થયો હતો. પોલીસે આગળની કાર્યવાહી હાથ ધરી છે.

અમદાવાદઃ મુંબઇ જતી ટ્રેનમાં કાચબાઓ સાથે એકની ધરપકડ
અમદાવાદથી મુંબઇ તરફ જતી ટ્રેનમાં કાચબાઓ સાથે મુંબઇના એક યુવકની ધરપકડ કરવામાં આવી હતી. જોકે આ કાચબા સીડ્યુલ 2 હેઠળ આવતા હોવાનું પ્રાથમિક તપાસમાં બહાર આવ્યું છે. વન વિભાગે કાચબાઓનો કબજો લીધો હતો. બીજી તરફ પકડાયેલ ઓઝાન દલાલે જણાવ્યું કે, આ કાચબાઓને તે પોતાના ઘરમાં પાળી રહ્યો છે અને 15 દિવસ માટે બહારગામ જતો હોવાથી તે આ કાચબાઓને પોતાની સાથે લઇ જઇ રહ્યો છે.

તાપીઃ 65 વર્ષીય વૃદ્ધા પર બળાત્કાર, આરોપી ફરાર
તાપી જિલ્લાના પાટી ગામે માનવતાને શરમાવે તેવી ઘટના પ્રકાશમાં આવી છે. જ્યાં 65 વર્ષીય વિધવા મહિલાના ઘરમાં ગામની જ એક પાડોશી 45 વર્ષીય વ્યક્તિએ બળાત્કાર ગુજાર્યો હતો અને ફરાર થઇ ગયો છે. આસપાસના લોકોએ ઘટનાની જાણ થયા બાદ પોલીસને માહિતગાર કરી હતી, જેને લઇને પોલીસે ફરિયાદના આધારે તપા હાથ ધરી છે. વૃદ્ધાની હાલત કફોળી બનતા તેને સારવાર અર્થે હોસ્પીટલમાં ખસેડવામાં આવી હતી.

English summary

november 04, 2014 : News highlights of Gujarat.