96થી ઝંખાય છે વિજયની આશ, 2014માં સફળ થશે કોંગ્રેસ?

Updated: Tuesday, April 1, 2014, 12:11 [IST]

લોકસભા ચૂંટણી 2014નો આગાઝ થઇ ગયો છે. ગુજરાતના મુખ્યમંત્રી અને ભારતીય જનતા પાર્ટીના પીએમ પદના ઉમેદવાર નરેન્દ્ર મોદી દેશભરમાં ચૂંટણી સભાઓ સંબોધી રહ્યાં છે અને પોતાની આંધીને સુનામીમાં પરિવર્તિત કરવાના પ્રયાસો કરી રહ્યાં છે. ગુજરાતમાં પણ તેઓ 30થી 35 ચૂંટણી સભાઓ ગજવવાના છે. ગુજરાતમાં છેલ્લી ત્રણ ટર્મથી તેઓ મુખ્યમંત્રી છે અને રાજ્યમાં એક સ્થિર સરકાર આપી છે. જો કે, લોકસભાની વાત કરવામાં આવે તો ભાજપનું પ્રદર્શન ધમાકેદાર રહ્યું નથી.

આ પહેલા અમે અમદાવાદ પૂર્વ બેઠક અંગે જણાવ્યું હતું. જેને ભાજપનો ગઢ માનવામાં આવે છે, જ્યાં સાત વર્ષથી ચૂંટાતા આવતા હરિન પાઠકના સ્થાને આ વખતે બૉલીવુડ અભિનેતા પરેશ રાવલને ટિકિટ આપવામાં આવી છે. આજે અમે કચ્છ બેઠક અંગે વાત કરી રહ્યાં છે. એક સમયે કચ્છ કોંગ્રેસનું ગઢ મનાતું હતું. 1951થી 1996 સુધીની લોકસભાની ચૂંટણીમાં એકાદ બે ચૂંટણીને બાદ કરીને તમામ ચૂંટણીમાં આ બેઠક પર કોંગ્રેસના પંજાનું આધિપત્ય રહેલું છે, પરંતુ 1996થી આ બેઠકની જનમેદની કમળ તરફ આકર્ષિત થઇ છે અને ભાજપને જ વિજયી બનાવે છે.

1996થી કોંગ્રેસ આ બેઠક પર વિજય મેળવવા માટે તલસી રહી છે. કેન્દ્રમાં કોંગ્રેસની સરકાર હોવા છતાં પણ 2004માં અને 2009માં આ બેઠક પર કોંગ્રેસ વિજયી થઇ શક્યું નહોતું. ત્યારે છેલ્લા 10 વર્ષમાં કોંગ્રેસના રાજમાં જે ભ્રષ્ટાચાર થયો છે અને જે કૌભાંડો બહાર આવ્યા છે, તેને જોઇને તથા મોંઘવારી સહિતના મોરચે કેન્દ્રમાં રહેલી યુપીએ સરકાર નિષ્ફળ નીવડી છે. ત્યારે કોંગ્રેસ તરફથી દિનેશ પરમારને ટિકિટ આપી છે, પણ કોંગ્રેસ અને યુપીએના પ્રદર્શન પરથી લાગી રહ્યું છે કે આ બેઠક પર કોંગ્રેસ આ વખતે પોતાની પકડ જમાવી શકે તે કહેવું મુશ્કેલ છે.

બીજી તરફ ભારતીય જનતા પાર્ટી 1998થી ગુજરાતની સત્તા પર આરુઢ છે, જે રીતે ગુજરાતમાં મોદીએ વિકાસને મુદ્દો બનાવીને 2012ની ચૂંટણી જીતી હતી, તેવી જ રીતે મોદી આ વખતે પણ લોકસભાની ચૂંટણીમાં વિકાસના મુદ્દાને આગળ ધરી રહ્યાં છે અને દેશને કેવી રીતે સ્થિર સરકાર આપી શકાય અથવા તો પછી દેશને વિકાસની દિશામાં કરી રીતે લઇ જઇ શકાય એ માટે પોતાનું ઇન્ડિયા વિઝન દરેક ચૂંટણી સભામાં જણાવી રહ્યાં છે, જેને જોઇને લાગી રહ્યું છે કે આ વખતે પણ કચ્છની બેઠકમાં ભાજપ મારી જશે. કચ્છ બેઠક પર આ વખતે ભાજપે વિનોદ ચાવડાને ટિકિટ આપી છે. ચાલો તસવીરો થકી લોકસભાની ચૂંટણીના આંકડાઓ પર એક નજર ફેરવીએ.

1951

1 - Kutch East
કોંગ્રેસ- ગુલાબશંકર ઢોળકિયા-31625
અપક્ષઃ- પ્રેમજી ઠાકેર-17611
તફાવતઃ-14014
2 - Kutch West
કોંગ્રેસ- ભવનજી ખીમજી-47146
અપક્ષઃ-કૌશલ શાહ-17213
તફાવતઃ- 29933