Gujarat Weather: નવરાત્રી વચ્ચે રાજ્યમાં હજી પણ ભારે વરસાદની આગાહી, જાણો ક્યાં પડશે વરસાદ

By Desk

Updated: Wednesday, September 24, 2025, 8:33 [IST]

Gujarat Weather: ગુજરાતમાં નવરાત્રી શરુ થઈ ગઈ છે. બે નોરતા પુરા પણ થયા છે. આજે ત્રીજું નોરતું છે. નવરાત્રીના તહેવાર વચ્ચે રાજ્યમાં હજી પણ વરસાદ પડી રહ્યો છે. ડાંગ સહિત દક્ષિણ ગુજરાતના જિલ્લાઓમાં વરસાદ પડી રહ્યો છે. ડાંગમાં વરસાદે ભુક્કા બોલાવ્યા છે. ત્યારે હવામાન વિભાગે આઠ જિલ્લાઓમાં ભારે વરસાદની આગાહી કરી છે.

દક્ષિણ ગુજરાતના આ જિલ્લાઓમાં વરસાદનું યલો એલર્ટ

Gujarat Rain: હવામાન વિભાગ પ્રમાણે આજે બુધવારે નવરાત્રીના ત્રીજા દિવસે દક્ષિણ ગુજરાતના આઠ જિલ્લાઓમાં ભારે વરસાદની આગાહી કરી છે. હવામાન વિભાગ પ્રમાણે આજે વલસાડ, નવસારી, તાપી, ભરૂચ, સુરત, ડાંગ, દમણ અને દાદરા નગર હવેલીમાં ભારે વરસાદ પડી શકે છે. આ જિલ્લાઓમાં વરસાદનું યલો એલર્ટ આપ્યું છે.

રાજ્યમાં અહીં પડશે છૂટો છવાયો વરસાદ

આજે હવામાન વિભાગે રાજ્યના કેટલાક જિલ્લાઓમાં છૂટા છવાયા વરસાદની આગાહી કરી છે. આગાહી પ્રમાણે અમદાવાદ, આણંદ, પંચમહાલ, દાહોદ, ગાંધીનગર, અરવલ્લી, ખેડા, મહિસાગરમાં છૂટો છવાયો વરસાદ પડી શકે છે.

તેમજ સુરત, ડાંગ, નવસારી, વલસાડ, તાપી, વડોદરા, છોટા ઉદેપુર, નર્મદા, ભરૂચ, દમણ, દાદરા નગર હવેલી તેમજ સૌરાષ્ટ્રના ગીર સોમનાથ, બોટાદ, રાજકોટ, જૂનાગઢ, અમરેલી, ભાવનગર અને દીવમાં છૂટો છવાયો વરસાદ પડ્યો હતો.

Weather News: હવામાન વિભાગે આપેલી માહિતી પ્રમાણે, રાજ્યમાં આજથી એટલે કે, 24થી 29મી સપ્ટેમ્બર સુધી વરસાદની આગાહી આપવામાં આવી છે. હવામાન વિભાગે આપેલી માહિતી પ્રમાણે, 27થી 29મી સપ્ટેમ્બર સુધીમાં ભારે વરસાદની આગાહી આપવામાં આવી છે.

હવામાન વિભાગે આપેલી માહિતી પ્રમાણે, 25મી તારીખે વરસાદની તીવ્રતા ઓછી થતી દેખાય છે. સુરત, તાપી, નવસારી, વલસાડ, આણંદ, પંચમહાલ, દાહોદ, વડોદરા, છોટાઉદેપુર, નર્મદા, ભરૂચ, રાજકોટ, જૂનાગઢ, અમરેલી, ભાવનગર, ગીર સોમનાથ અને બોટાદ જિલ્લાનાં છૂટાંછવાયાં સ્થળોએ હળવાથી મધ્યમ વરસાદ પડવાની આગાહી આપવામાં આવી છે.

26મી તારીખે વરસાદની તીવ્રતા ઓછી થતી દેખાય છે. 26થી 29મી સુધીમાં વડોદરા, છોટાઉદેપુર, નર્મદા, ભરૂચ, આણંદ, પંચમહાલ, દાહોદ, સુરત, તાપી, નવસારી, વલસાડ, ભાવનગર, રાજકોટ, જૂનાગઢ, અમરેલી, ગીર સોમનાથ અને બોટાદ જિલ્લાનાં છૂટાંછવાયાં સ્થળોએ હળવાથી મધ્યમ વરસાદ પડવાની આગાહી આપવામાં આવી છે.

હવામાન વિભાગે વધુમાં માહિતી આપતા જણાવ્યુ છે કે, 27મી તારીખે ડાંગ, તાપી, નવસારી, વલસાડમાં ભારે વરસાદની આગાહી સાથે યલો એલર્ટ આપવામાં આવ્યું છે.

હવામાન વિભાગ પ્રમાણે 28મી તારીખે નવસારી, ડાંગ, સુરત, તાપી, વલસાડમાં ભારે વરસાદની આગાહી સાથે યલો એલર્ટ આપવામાં આવી છે. જેમાં છૂટાછવાયા સ્થળો પર ભારે વરસાદની આગાહી કરવામાં આવી છે. 29મી તારીખની વાત કરીએ તો, સુરત, ડાંગ, તાપી, નવસારી, વલસાડમાં ભારે વરસાદની આગાહી સાથે યલો એલર્ટ આપવામાં આવ્યું છે. આ સાથે છૂટાછવાયા સ્થળો પર ભારે વરસાદની આગાહી આપવામાં આવી છે.