ગુજરાતના કુલ 19 જવાનોને રાષ્ટ્રપતિના પોલીસ ચંદ્રકો એનાયત

Updated: Saturday, January 26, 2013, 15:40 [IST]

અમદાવાદ, 26 જાન્યુઆરી: 26મી જાન્યુઆરી પ્રજાસત્તાક દિવસ એ ભારતનો રાષ્ટ્રીય તહેવાર છે. ગુજરાત સરકારે ગણતંત્ર દિવસની ઉજવણી ડાંગ જિલ્લા ખાતે કરી હતી. આ અવસરે ગુજરાત પોલીસ ખાતાના કુલ 19 જવાનેને રાષ્ટ્રપતિ પોલીસ ચંદ્રક એનાયત કરવામાં આવ્યા છે.

આજના દિવસે ભારતનું પોતાનું બંધારણ અમલમાં આવ્યું હતું. ડાંગ ખાતે ગુજરાતના રાજ્યપાલ કમલા બેનિવાલે મુખ્યમંત્રી નરેન્દ્ર મોદીની હાજરીમાં રાષ્ટ્રધ્વજને હવામાં લહેરાવ્યો હતો અને ધ્વજવંદન કર્યું હતું. ત્યારબાદ રાજ્યપાલે ગણતંત્ર માટેની પરેડનું નિરિક્ષણ કર્યું હતું. જેમાં એસઆરપી, પોલીસ, નાગરિક સંરક્ષણ દળ, રક્ષાશક્તિ યુનિવર્સિટીના તાલિમાર્થીઓ મળીને 11 પ્લેટુન્સમાં 600 જેટલા જવાનાએ પરેડ નિરિક્ષણ કરાવ્યું હતું.

રાજ્યપાલ દ્વારા પરેડ નિરિક્ષિણ થઇ ગયા બાદ તેઓ અને મુખ્યમંત્રીએ પોતાના મુળ સ્થાને બિરાજ્યા હતા, અને ત્યારબાદ માર્ચ પાસ્ટ અને ગુજરાતની સંસ્કૃતિને ઉજાગર કરતી વિવિધ ઝાંખીઓનું પ્રદર્શન કારાયું હતું. તેમજ વિવિધ કાર્યક્રમો યોજાયા હતા. બાદમાં મુખ્યમંત્રી અને રાજ્યપાલના હસ્તે પોલીસ જવાનો, અને વિવિધ ક્ષેત્રે ઉમદા પ્રદાન કરવા બદલ પુરસ્કાર એનાયત કરાયા હતા.

જેમાં ગુજરાત રાજ્ય પોલીસ દળના કુલ 19 પોલીસ અધિકારીઓ અને જવાનોને રાષ્ટ્રપતિ ચંદ્રક એનાયત કરવામાં આવ્યા. જેમાં ગુજરાત રાજ્ય પોલીસમાં ફરજ બજાવતા ચાર આઇપીએસ અધિકારીઓનો સમાવેશ થાય છે.

19 પોલીસ જવાનોને રાષ્ટ્રપતિના ચંદ્રકો

ગુજરાત સરકારે ગણતંત્ર દિવસની ઉજવણી ડાંગ જિલ્લા ખાતે કરી હતી. આ અવસરે ગુજરાત પોલીસ ખાતાના કુલ 19 જવાનેને રાષ્ટ્રપતિ પોલીસ ચંદ્રક એનાયત કરવામાં આવ્યા છે.