નરેન્દ્ર પટેલને ભાજપમાં જોડાવા 1 કરોડ ઓફરમાં આવ્યો આ ટ્વિસ્ટ

નરેન્દ્ર પટેલે ભાજપ અને વરુણ પટેલ પર 1 કરોડ રૂપિયામાં તેને ખરીદવાનો આરોપ લગાવ્યો. જેના જવાબમાં વરુણ પટેલે આને કોંગ્રેસનું ષંડયત્ર કહ્યું. જાણો વધુ અહીં.

Updated: Monday, October 23, 2017, 10:32 [IST]

મહેસાણામાં રવિવારે પાસ કન્વીનર નરેન્દ્ર પટેલને ભાજપમાં જોડાયા બાદ એક પ્રેસ કોન્ફર્ન્સ કરીને કહ્યું હતું કે ભાજપે મારી સાથે સોદૌ કર્યો છે. અને વરૂણ પટેલે મારો આ સોદો કરાવ્યો છે. તેમણે કહ્યું કે વરૂણ પટેલે મને ટોકન પેટે 10 લાખ રૂપિયા પણ આપ્યા છે. અને આ માટે જીતુ વાઘાણીના ઘરે લઇ જવાની વાત પણ નરેન્દ્ર પટેલે ઉચ્ચારી હતી. નરેન્દ્ર પટેલે આરોપ લગાવ્યો છે કે મને બળજબરી પૂર્વક ભાજપમાં જોડવામાં આવ્યો છે. સાથે જ હાલ 1 કરોડ રૂપિયામાંથી ખાલી 10 કરોડ આપવામાં આવ્યા છે અને બાકીના 90 લાખ પછી અપાશે. આ ઘટસ્ફોટ પછી નરેન્દ્ર પટેલ આ તમામ પૈસા પાટીદાર શહીદોને આપવાની અને વરૂણ પટેલ વિરુદ્ધ કાયદાકીય પગલાં લેવાની વાત પણ ઉચ્ચારી હતી.

જો કે આ બાદ વરુણ પટેલ આ તમામ આરોપોને પોકળ ગણાવ્યા છે. તેમણે સાથે જ નરેન્દ્ર પટેલ પર વળતો આક્ષેપ મૂક્યો છે કે નરેન્દ્ર પટેલ અને કોંગ્રેસે મળીને મારી વિરુદ્ધ આ ષંડયત્ર કર્યું છે. જે અંગે કાનૂની ફરિયાદ નોંધવાની વાત પણ વરુણ પટલે કરી હતી. તેમણે આ સમગ્ર વાતને કોંગ્રેસનું ષડયંત્ર ગણાવતા કહ્યું હતું કે મને પૈસાથી કોઇ ખરીદી નહીં તેવો વિશ્વાસ પણ વ્યક્ત કર્યો હતો. ઉલ્લેખનીય છે કે નરેન્દ્ર પટેલ દ્વારા આ રીતે વરૂણ પટેલ પર ગત મોડી રાતે આક્ષેપ કરાતા ગુજરાતનું રાજકારણ ગરમાયું હતું. અને ફરી એક વાર ભાજપ દ્વારા રેશ્મા પટેલ અને વરુણ પટેલ તથા અન્ય નેતાઓને ખરીદવાની વાતે જોર પકડ્યું હતું.