Gujarat Election: પીએમ મોદીનો આજે અમદાવાદમાં રોડ શો, જાણો આખો 28 કિમીનો રુટ

પહેલા તબક્કાના મતદાન દરમિયાન આજે અમદાવાદમાં પ્રધાનમંત્રી નરેન્દ્ર મોદી મેગા રોડ શો કરશે.

Updated: Thursday, December 1, 2022, 8:45 [IST]

Gujarat Election: ગુજરાત વિધાનસભા ચૂંટણીનુ આજે પહેલા તબક્કાનુ મતદાન ચાલી રહ્યુ છે. સૌરાષ્ટ્ર, કચ્છ અને દક્ષિણ ગુજરાતમાં પહેલા તબક્કાના મતદાન દરમિયાન આજે અમદાવાદમાં પ્રધાનમંત્રી નરેન્દ્ર મોદી મેગા રોડ શો કરશે. પીએમ મોદી અમદાવાદની 16 બેઠક પર રોડ શો કરશે. એરપોર્ટ પર આગમન બાદ પીએમ મોદીનો રોડ શો શરુ થશે અને ચાંદખેડામાં પૂર્ણ થશે.

પીએમ મોદીના રોડ શો માટે ભાજપના નેતાઓએ તડામાર તૈયારીઓ કરી છે. 30થી વધુ સ્થળોનો રોડ મેપ બનાવવામાં આવ્યો છે. પીએમ મોદી 16 બેઠક પર પ્રચાર કરશે. આ રોડ શો 3 કલાક ચાલશે અને લગભગ 28 કિમી લાંબો હશે. પીએમ મોદીનો રોડ શો બપોરે 3.30થી 6.30 સુધી ચાલશે અને અમદાવાદના પાંચ વિધાનસભા મતવિસ્તારમાંથી પસાર થશે.

વિશ્વના સૌથી લોકપ્રિય નેતા અને દેશના યશસ્વી પ્રધાનમંત્રી શ્રી @narendramodi ના વિજય સંકલ્પ સંમેલન

તારીખ: 1 ડિસેમ્બર, 2022, ગુરૂવાર#ભરોસાની_ભાજપ_સરકાર #કમળ_ખીલશે_ગુજરાત_જીતશે #ભાજપ_આવે_છે pic.twitter.com/SgS6usZ1UJ
— BJP Gujarat (@BJP4Gujarat) November 30, 2022

આ ઉપરાંત પીએમ મોદી ગુરુવારે ઘણી જનસભાઓને સંબોધિત કરશે. પીએમ મોદી ઉત્તર ગુજરાતના પંચમહાલ જિલ્લાના કલોલથી શરુ કરશે. વેજલપુર ગામમાં પીએમ મોદીની જાહરસભા છે. બીજી જાહેરસભા છોટા ઉદેપુરના બોડેલી ખાતે યોજાશે. ત્રીજી જાહેરસભા સાબરકાંઠા જિલ્લાના હિંમતનગર ખાતે બપોરે યોજાશે.

વિશ્વના સર્વાધિક લોકપ્રિય પ્રધાનમંત્રી શ્રી @narendramodi જીની કર્ણાવતી મહાનગરમાં પુષ્પાંજલિ યાત્રા...

તારીખ: 1 ડિસેમ્બર, 2022, ગુરુવાર
સમય: બપોરે 3:00 કલાકથી

રૂટ: નરોડાથી ચાંદખેડા

લાઈવ નિહાળો:
• https://t.co/dSqhPRRLS3
• https://t.co/3xD28d1IH2
• https://t.co/gDXaSLPIrG pic.twitter.com/20BoIxVQxJ
— BJP Gujarat (@BJP4Gujarat) November 30, 2022