યુસુફની 'પઠાણી' રિસેપ્શન પાર્ટીમાં હસ્તીઓનો જમાવડો

By Kumar Dushyant

Updated: Friday, February 6, 2015, 11:11 [IST]

વડોદરા, 31 માર્ચ: ક્રિકેટના મેદાનમાં વાવોઝોડુ ફેલાવનાર ક્રિકેટર યુસુફ પઠાણે હોળીના દિવસે ફિઝિયોથેરોપિસ્ટ આફરિન ખાનના ગુગલી પર આઉટ થઇ ગયો છે. આ પળનો ઉત્સવ મનાવવા માટે યુસુફ પઠાણના પરિવારે શનિવારે વડોદરામાં લક્ષ્મી વિલાસ પેલેસમાં શાનદાર રિસેપ્શન પાર્ટીનું આયોજન કર્યું હતું. આ રિસેપ્શન સમારોહમાં ક્રિકેટ તથા સિનેમા જગતની કેટલીક હસ્તીઓ હાજરી પુરાવી હતી.

આ અવસર પર ઇરફાન અને યુસુફ પઠાણે આઇપીએલ ટીમના કેટલાક મિત્રોને આમંત્રણ પાઠવ્યું હતું. રિસેપ્શન સમારોહમાં કોલકત્તા નાઇટ રાઇડર્સના કો-ઓનર અને એક્ટ્રેસ જુહી ચાવલા હાજર રહી હતી. ગૌતમ ગંભીર મોહમંદ અઝરૂદ્દીન ઓલ રાઉન્ડર સલીમ દૌરાની અને પૂર્વ ટેસ્ટ ક્રિકેટર બલવિંદર સિંહે પાર્ટીમાં હાજરી આપી હતી.

આ ઉપરાંત પૂર્વ વિકેટ કિપર કિરણ મોરે અને ક્રિકેટર આર પી સિંહ તથા પાર્થિવ પટેલની પત્ની પણ હાજર રહી હતી. શહેરના પોલીસ કમિશ્નર સતીશ વર્મા, જિલ્લા કલેક્ટર વિનોદ રાવ, મ્યુનિસિપલ કમિશનર અશ્વિની કુમાર અને સુરત પોલીસ કમિશ્નર સહિત કેટલીક હસ્તીઓ હાજરી આપી હતી.

નરેન્દ્ર મોદીએ શુભેચ્છા પાઠવી

ઇરફાન પઠાણે ગુજરાતના મુખ્યમંત્રી નરેન્દ્ર મોદીને પર્સનલી આમંત્રિત કર્યા હતા પરંતુ તે ભાગ લઇ શક્યા નથી. તેમને નવવિવાહિત જોડાને શુભેચ્છાઓ પાઠવી હતી. સૂત્રોના જણાવ્યા અનુસાર શાનદાર પેલેસ હોવાછતાં રિસેપ્શન સમારોહ ખૂબ જ સાધારણ હતો. આ અવસરે યુસુફ શેરવની તથા આફરીન પિંક ડ્રેસમાં જોવા મળી હતી. તો તેમના ભાઇ ઇરફાન પઠાણે કાળા કલરની પહેરી હતી. અત્રે ઉલ્લેખનીય છે કે બુધવારે યુસુફ પઠાણે આફરીન સાથે નિકાહ કર્યા છે. આફરીન એક ફિઝિયોથેરાપિસ્ટ છે.