વાવ વિધાનસભા બેઠક પર મજબૂત દાવેદાર કોણ? ભાજપ કે કોંગ્રેસ?

ગેનીબેન ઠાકોર લોકસભા ચૂંટણીમાં કોંગ્રેસની ટિકિટ પર ચૂંટાઈને કોંગ્રેસના એકમાત્ર સાંસદ સંસદભવન સુધી પહોંચ્યાં હતાં, જેને લઈ ગેનીબેન ઠાકોરની વિધાનસભા સીટ વાવ ખાલી થઇ હતી. હવે આગામી 13 નવેમ્બરે મહારાષ્ટ્ર અને ઝારખંડ વિધાનસભાની ચૂંટણીની સાથે જ વાવ બેઠક પર પેટાચૂંટણી યોજાવાની છે.

ગત 25 ઓક્ટોબર નોમિનેશન માટેની અંતિમ તારીખ હતી. ત્યારે વાવ બેઠક પર ગતરોજ કૂલ 21 દાવેદારોએ નામાંકનપત્ર ભર્યું હતું. નામાંકન પત્ર પાછાં ખેચવાની છેલ્લી તારીખ 30 ઓક્ટોબર હોય અમુક નામાંકન પાછાં ખેંચાય જાય તો નવાય નહીં.

ઉલ્લેખનીય છે કે ભાજપ અને કોંગ્રેસએ અંતિમ ક્ષણ સુધી પોતાના ઉમેદવારોના નામ ગુપ્ત રાખ્યાં હતાં, પાર્ટીની અંદર ઉદ્ભવતા વિવાદને ટાળવા માટે નામ ગુપ્ત રખાયાં હોય શખે છે. પરંતુ સવાલ હવે એ છે કે વાવ વિધાનસભા બેઠક પર કોણ વધુ મજબુત દાવેદાર છે? શું કોંગ્રેસ આ બેઠક જીતી શકશે કે પછી ભાજપ આ બેઠક જીતશે? ભાજપે સ્વરૂપ ઠાકોરને વાવ વિધાનસભા બેઠક પરથી ટિકિટ આપી છે જ્યારે કોંગ્રેસે ગુલાબસિંહ રાજપુતને પોતાના ઉમેદવાર બનાવ્યા છે.

જો વાવ બેઠકના ઈતિહાસ પર નજર ફેરવીએ તો ભાજપ માટે વાવ બેઠક જીતવી થોડી અઘરી છે, વાવ વિધાનસભાની રચના થઇ ત્યારથી જ કોંગ્રેસની પકડ આ બેઠક પર મજબૂત રહી છે. 1985માં પહેલીવાર આ બેઠક પર વિધાનસભા ચૂંટણી યોજાઈ હતી ત્યારે કોંગ્રેસના પરબતભાઈ પટેલ પહેલીવાર આ બેઠક પરથી ચૂંટણી જીતી વિધાનસભા ભવન પહોંચ્યા હતા.

અત્યાર સુધીમાં કોંગ્રેસ કૂલ 5 વખત વાવ વિધાનસભા બેઠક જીતી ચૂકી છે જ્યારે ભાજપ માત્ર 2 વખત જ વાવ બેઠક જીતી શક્યું છે. 2007માં શામ-દામ-દંડ-ભેદનો ઉપયોગ કરી કોંગ્રેસના પરબતભાઈ પટેલને ભાજપમાં ભેળવી લેવાયા હતા અને સીધી તેમને વાવ બેઠકની ટિકિટ આપવામાં આવી હતી ત્યારે પહેલીવાર પરબતભાઈ પટેલે ભાજપને આ સીટ પર ભગવો લહેરાવવામાં મદદ કરી હતી. એ પછી 2012માં શંકર ચૌધરી ભાજપની ટિકિટ પરથી આ બેઠક જીત્યા હતા પરંતુ તે પછી ક્યારેય ભાજપ વાવ બેઠક પર વાપસી કરી શક્યા નથી. 2017 અને 2022ની ગુજરાત વિધાનસભા ચૂંટણીમાં ગેનીબેન ઠાકોર વાવ બેઠક પરથી ચૂંટાઈ આવ્યાં હતા.

English summary

by-election to the Vav assembly seat will be held on November 13, the Congress has won the seat more times than the BJP.