Banaskantha Lok Sabha Election Results 2024 LIVE Gujarati: બનાસકાંઠા રિઝલ્ટ, ગેનીબેન ઠાકોર Vs રેખાબેન ઠાકોર

Updated: Tuesday, June 4, 2024, 12:02 [IST]

Banaskantha Lok Sabha Election Results 2024 LIVE Gujarati: બનાસકાંઠા લોકસભા બેઠકનું આજે 4 જૂન 2024ના રોજ પરિણામ આવવાનું છે. ત્યારે સૌકોઈની નજર ગેનીબેન ઠાકોર વર્સિસ રેખાબેન ચૌધરી વચ્ચેની ચૂંટણી-એ-જંગના રિઝલ્ટ પર ટકી રહી છે. બનાસકાંઠામાં ગેનીબેન ઠાકોરના વર્ચસ્વ સામે શું રેખાબેન ટક્કર આપી શકશે કે કેમ તે જોવાનું રહ્યું.

જો બનાસકાંઠા લોકસભા બેઠકની વાત કરીએ તો આ લોકસભા બેઠકમાં કૂલ 7 વિધાનસભા મતવિસ્તારનો સમાવેશ થાય છે, જેમાં :- વાવ, થરાદ, ધાનેરા, દાંતા, પાલનપુર, ડીસા અને દેઓદર સામેલ છે.

1992માં પહેલી વખત બનાસકાંઠા બેઠક પર લોકસભા ચૂંટણી લડાઇ હતી. જેમાં કોંગ્રેસના અક્બરભાઈ ચાવડાનો વિજય થયો હતો. તે પછી કોંગ્રેસ બનાસકાંઠા બેઠક પર 7 વખત જીતી ચૂકી છે જ્યારે ભાજપ માત્ર ચાર વખત જ જીત્યું છે. 2019ની લોકસભા ચૂંટણીમાં પરબતભાઇ પટેલ ભાજપની ટિકિટ પરથી ચૂંટાયા હતા પરંતુ આ વખતે તેમની ટિકિટ કાપી ડૉ રેખાબેન ચૌધરીને ભાજપે બનાસકાંઠાના મેદાનમાં ઉતાર્યાં છે.

જો બનાસકાંઠાના મતદારો અને વોટશેરની વાત કરીએ તો આ સીટ પર કૂલ 19,61,924 મતદારો નોંધાયેલા છે. જેમાંથી 69.62% મતદારોએ પોતાના મતાધિકારનો ઉપયોગ કર્યો હતો. આજે ટૂંક સમયમાં જ બનાસકાંઠા લોકસભા બેઠકનું પરિણામ આવવું શરૂ થઇ જશે. બનાસકાંઠા સીટ લાઇવ રિઝલ્ટ જોવા માટે બન્યા રહો વનઈન્ડિયા ગુજરાતી સાથે.

લાઇવ અપડેટ

7:29 AM - રેખાબેન ચૌધરીએ જીતનો દાવો કર્યો છે. ઉલ્લેખનીય છે કે 40 મિનિટમાં જ મતગણતરી શરૂ થઇ જશે.

10:11 AM - બનાસકાંઠાથી ભાજપના ઉમેદવાર ડૉ રેખાબેન 12 હજારની લીડથી આગળ ચાલી રહ્યાં છે.

10:22 AM - બનાસકાંઠાના ભાજપના ઉમેદવાર રેખા બેન 518 મતોથી આગળ

11:25 AM - બનાસકાંઠામાં કોંગ્રેસને ગેનીબેનની જીતની આશા હતી પરંતુ તેમની આશા પર પણી ફરી વળ્યું હોય તેવું શરૂઆતી ટ્રેન્ડમાં લાગી રહ્યું છે. ગેનીબેન ઠાકોર 6 હજાર મતથી પાછળ ચાલી રહ્યાં છે.

11:39 AM - બનાસકાંઠાના ભાજપ ઉમેદવાર રેખાબેન 6793 મતોથી આગળ

12:02 PM - કોંગ્રેસના ઉમેદવાર ગેનીબેન ઠાકોર ફરી એકવાર લીડ મેળવી લીધી છે. ગેનીબેન ઠાકોર બનાસકાંઠામાં 2100 મતથી આગળ ચાલી રહ્યાં છે.