અમદાવાદીઓ માટે સારા સમાચાર, રિપેરિંગ બાદ ફરી શરૂ કરાયો શાસ્ત્રી બ્રિજ

Shastri Bridge in Ahmedabad: અમદાવાદ શહેરમાં આવેલા વિશાલાથી નારોલને જોડતા શાસ્ત્રી બ્રિજનો એક ભાગ ડિસેમ્બર 2023માં ટ્રાફિક માટે બંધ કરવામાં આવ્યો હતો.

જે બાદ હવે સમારકામ અને નવીનીકરણ બાદ વાહનોની અવરજવર માટે ખુલ્લો મૂકવામાં આવ્યો છે. જે કારણે ટ્રાફિકની સમસ્યામાંથી રાહત મળશે.

ઉલ્લેખનીય છે કે, ગત વર્ષે જૂન મહિનામાં પશ્ચિમ અમદાવાદના વાસણાના વિશાલા વિસ્તારને પૂર્વ અમદાવાદના નારોલ અને પીરાણાના ઔદ્યોગિક વિસ્તારો સાથે જોડતા આ 40 વર્ષ જૂના બ્રિજનો ફોટો વાયરલ થયો હતો, જેને તાત્કાલિકધોરણે સમારકામની જરૂરિયાત હોવાની વાત સામે આવી હતી.

શાસ્ત્રી બ્રિજનું સમારકામ ડિસેમ્બર 2023માં શરૂ થયું હતું અને તે હાલ પણ ચાલી રહ્યું છે. આવા સમય દરમિયાન મુસાફરોને કામગીરીની બાજુએ ટ્રાફિક જામનો સામનો કરવો પડ્યો હતો.

જોકે, સમારકામ કરવામાં આવેલી સાઈડ ખોલવાથી આ સમસ્યા હલ થઈ જશે.

નોંધનીય છે કે, શાસ્ત્રી બ્રિજના સમારકામની ઝડપ વધારવા માટે વેજલપુરના ધારાસભ્ય અમિત ઠાકર દ્વારા કલેક્ટરની સંકલન સમિતિની બેઠક દરમિયાન નેશનલ હાઇવે ઓથોરિટીના અધિકારીઓ સાથે આ મુદ્દો ઉઠાવવામાં આવ્યો હતો. આ સાથે સમારકામને ઝડપી પૂર્ણ કરવા માટેની માંગ કરવામાં આવી હતી.

અમિત ઠાકર દ્વારા લોકોને અસુવિધા ન થાય તે માટે દિવાળી પહેલા પુલનું સમારકામ પૂર્ણ કરવાની દરખાસ્ત કરવામાં આવી હતી. જેના પગલે હવે શાસ્ત્રી બ્રિજનું સમારકામ પૂર્ણ થતાં બંને દિશામાં વાહનવ્યવહાર શરૂ થયો છે.

નોંધનીય છે કે, પુલની એક સાઈડનું સમારકામ થઈ ગયું હોવા છતાં પીરાણાથી વિશાલા રોડ પર રિપેરિંગનું કામ બાકી છે.

આ સમયગાળા દરમિયાન ટ્રાફિક વધવાને કારણે તે બાજુ ખાડાઓ પડી ગયા છે અને સાંધાને પણ સમતળ કરવાની જરૂર છે.

English summary

Good news for Ahmedabad people, Shastri Bridge reopened after repairs