Ahmedabad Flower Show 2026: અમદાવાદમાં CM ભૂપેન્દ્ર પટેલે આજથી ફ્લાવર શોનો પ્રારંભ કરાવ્યો

By Desk

Published: Thursday, January 1, 2026, 13:21 [IST]

Ahmedabad International Flower Show 2026: નવા વર્ષની રંગેચંગે શરૂઆત સાથે જ અમદાવાદના સાબરમી રિવરફ્રન્ટ ખાતે 14મો આંતરરાષ્ટ્રીય ફ્લાવર શો-2026 આજથી જાહેર જનતા માટે ખુલ્લો મુકવામાં આવ્યો છે. CM ભૂપેન્દ્ર પટેલે આ ભવ્ય મહોત્સવનું ઉદ્ઘાટન કર્યું હતું. આ વર્ષે ફ્લાવર શો માત્ર સુંદરતાનું પ્રતીક નથી, પરંતુ ભારતની ભવ્યતાની ગાથા પણ વર્ણવશે.

'ભારત એક ગાથા' થીમ પર ભવ્ય આયોજન

વર્ષ 2026ના ફ્લાવર શોની થીમ 'ભારત એક ગાથા' રાખવામાં આવી છે. જેમાં ફૂલોના માધ્યમથી ભારતની પૌરાણિક સંસ્કૃતિથી લઈને આધુનિક ભારતની સિદ્ધિઓ જેવી કે ડિજિટલ ઈન્ડિયા, ઇસરો (ISRO) અને સ્પેસ ટેકનોલોજીની સફળતાને જીવંત કરવામાં આવી છે. કુલ 170થી વધુ ફ્લોરલ સ્કલ્પચર્સ (કલાકૃતિઓ) મુલાકાતીઓનું આકર્ષણનું કેન્દ્ર બનશે.

વર્લ્ડ રેકોર્ડ બનાવવાની તૈયારી

આ વર્ષના ફ્લાવર શોમાં બે મોટા વિશ્વ વિક્રમ બનાવવાનો લક્ષ્યાંક રાખવામાં આવ્યો છે.

સરદાર પટેલનું ફ્લાવર પોટ્રેટ: લોખંડી પુરુષ સરદાર વલ્લભભાઈ પટેલની 150મી જન્મજયંતી નિમિત્તે વિશ્વનું સૌથી મોટું ફ્લાવર પોટ્રેટ તૈયાર કરાયું છે.
ફ્લાવર મંડળ: 30 મીટરના વ્યાસમાં બનેલું ભવ્ય ફૂલ મંડળ ગિનીસ બુક ઓફ વર્લ્ડ રેકોર્ડ્સ માટે તૈયાર કરવામાં આવ્યું છે.

6 ઝોનમાં વહેંચાયેલું આકર્ષણ

આખા ફ્લાવર શોને વિવિધ 6 ઝોનમાં વિભાજિત કરવામાં આવ્યો છે.