નોકરીની લાલચ આપી યુવતીને અમદાવાદ બોલાવી, દારૂ- ડ્રગ્સ આપી 5 નરાધમોએ રેપ કર્યો

Published: Friday, November 6, 2020, 17:17 [IST]

અમદાવાદઃ માણસાઈને પણ શરમાવે તેવો મામલો અમદાવાદતી સામે આવ્યો છે. એક યુવતીને નોકરીની લાલચ આપે કેટલાક શખ્સોએ રાજકોટથી અમદાવાદ બોલાવી હતી. બાદમાં તેને હોટલે લઈ જઈ નશીલી ડ્રિંક પીવડાવી પાંચ નરાધમોએ તેના પર સામૂહિત દુષ્કર્મ આચર્યો. યુવતીને ડ્રગ્સ પણ આપવામાં આવ્યું હતું. ભાનમાં આવ્યા બાદ કેમક કરી યુવતી નરાધમોના ચંગૂલમાંથી છૂટી. આ મામલે તેણે અમદાવાદ વેસ્ટના મહિલા પોલીસ સ્ટેશને 5 લોકો વિરુદ્ધ મામલો નોંધાવ્યો છે. ઈલાજ માટે પીડિતાને હોસ્પિટલે દાખલ કરવામાં આવી છે.

અમદાવાદ ક્રાઈમ બ્રાન્ચના અધિકારીઓએ જણાવ્યું કે, પીડિતા રાજકોટની રહેવાસી છે. આરોપીઓએ નોકરીની લાલચ આપી તેને અમદાવાદ બોલાવી હતી. પોલીસ સ્ટેશનમાં નોંધાયેલ ફરિયાદ મુજબ યુવતીએ નોકરી માટે ઑનલાઈન અરજી આપી હતી. તેને બોલાવવામાં આવી ત્યારે તે અમદાવાદ આવી. જ્યાં એક હોટલમાં તેની રહેવાની વ્યવસ્થા કરી દેવામાં આવી. આરોપ છે કે હોટેલમાં પ્રજ્ઞેશ પટેલ, જિતેન્દ્રપુરી ગોસ્વામી, માલદેવ ભરવાડ, જયમીન પટેલ અને નીલમ પટેલ નામના લોકો તેની પાસે આવ્યા. આ શખ્સોએ નશીલા પદાર્થ, દારૂ અને એમડી ડ્રગ્સ આપી વારંવાર રેપ કર્યો.

બાદમાં યુવતીને કારમાં બેસાડી પોતાની સાથે લઈ ગયા અને કારમાં પણ દુષ્કર્મ આચર્યું. કોઈને પણ કહેવા પર જીવથી મારી નાખવાની ધમકી આપી. પીડિતાએ હિમ્મત કરીને અમદાવાદ વેસ્ટ મહિલા પોલીસ સ્ટેશનમાં ફરિયાદ નોંધાવી. ફરિયાદ મળવા પર પોલીસે સમગ્ર મામલાની તપાસ શરૂ કરી છે. પોલીસ અધિકારીઓએ કહ્યું કે, પાંચેય આરોપીઓને દબોચી લેવા માટેની કવાયત તેજ કરી દેવામાં આવી છે. કાલે મોડી રાતે અમદાવાદ ક્રાઈમ બ્રાન્ચને આ મામલાની તપાસ સોંપવામાં આવી.

Published On November 6, 2020