Pics : ટૉપ ટેન રીયલ લાઇફ ટીવી કપલ્સ

Published: Sunday, February 17, 2013, 13:34 [IST]

અમદાવાદ, 17 ફેબ્રુઆરી : તાજેતરમાં જેમ મોટા પડદાના હિટ અને લોકપ્રિય કપલના સમાચારો વહેતાં થયાં. તેવી જ રીતે નાના પડદે પણ ઘણી એવી જોડીઓ છે કે જે સફળતાની ગૅરંટી ગણાય છે.

જોકે આજે આપણે નાના પડદે ધૂમ મચાવનાર હિટ જોડીઓની નહીં, પણ નાના પડદાની પાછળની એટલે કે રીયલ લાઇફની ટૉપ ટેન જોડીઓ વિશે જાણીશું.

આવો તસવીરોમાં જોઇએ નાના પડદાની રીયલ લાઇફ ટૉપ ટેન જોડીઓ.

શાલીન-દલજીત

શાલીન તથા દલજીતની મુલાકાત કુલવધુના સેટ ઉપર થઈ હતી અને ત્યારથી તેઓ બહુ નજીકના મિત્ર બની ગયાં. ડિસેમ્બર, 2009માં તેમણે લગ્ન કરી લીધાં.

અંકિતા-સુશાંત

અંકિતા લોખંડે તથા સુશાંત સિંહ રાજપૂતની પ્રથમ મુલાકાત પવિત્ર રિશ્તાના સેટ ઉપર થઈ હતી. તેઓ શરુઆતમાં ઑનસ્ક્રીન હિટ કપલ હતાં અને પછી ઑફસ્ક્રીન હિટ કપલ પણ બની ગયાં. દરમિયાન સુશાંતે કાઇ પો છે ફિલ્મ માટે આ સીરિયલ છોડી દીધી, તો અંકિતા સીરિયલમાં જળવાઈ રહ્યાં છે.

રશ્મિ-નંદીશ

રશ્મિ તથા નંદીશની પ્રથમ મુલાકાત ઉતરનના સેટ ઉપર થઈ હતી. લાંબા સમયના સાથ પછી તેઓ નજીકના મિત્ર બન્યાં અને પછી લગ્ન કરી લીધાં.

મોહિત-સનાયા

મોહિત સહેગલ તથા સનાયા ઈરાનીની પ્રથમ મુલાકાત મિલે જબ હમ તુમના સેટ ઉપર થઈ. હાલ તેઓ ડેટિંગ કરી રહ્યાં છે અને તેમનો સંબંધ વધુ પ્રગાઢ થઈ રહ્યો છે. કદાચ લગ્ન સુધી પણ પહોંચી શકે છે.

કરણ-કૃતિકા

કૃતિકા શર્મા તથા કરણ કુંદ્રા વચ્ચે પહેલા બ્રેકઅપ થયું અને ફરીથી બંને વચ્ચે સુમેળ થઈ ગયો છે. હાલ બંને એક-બીજાના ઊંડા પ્રેમમાં છે.

કરણ-જેનીફર

કરણ સિંહ ગ્રોવર તથા જેનીફર દિલ મિલ ગયેના સેટ ઉપર પહેલી વાર મળ્યાં અને સારા મિત્રો બની ગયાં. કરણે ટીવી એક્ટ્રેસ શ્રદ્ધા નિગમ સાથે લગ્ન કર્યા હતાં. અફવા એવી ઉડી કે કરણના જેનીફર સાથે સંબંધ હતાં. તેઓ બંનેએ છેવટે લગ્ન કરી જ લીધાં.

હિતેન-ગૌરી

હિતેન તેજવાણી તથા ગૌરી પ્રધાન બ્રીઝ સાબુની જાહેરાતના શુટિંગ દરમિયાન પહેલી વાર મળ્યાં. પછી બંનેએ કુટુમ્બ સીરિયલમાં સાથે કામ કર્યું. હાલ બંને પરણી ગયાં છે.