બિગ બૉસ 14માં રાધે મા આવતા વિવાદ - 'એ સંત નથી, માત્ર નાચ-ગાન આવડે છે'

રાધેમાં નવા વિવાદના કારણે ફરીથી ચર્ચામાં છે. રાધે મા માટે અખાડા પરિષદે નારાજગી વ્યક્ત કરી છે.

Published: Wednesday, October 14, 2020, 13:21 [IST]

મુંબઈઃ રાધેમાં નવા વિવાદના કારણે ફરીથી ચર્ચામાં છે. રાધે મા માટે અખાડા પરિષદે નારાજગી વ્યક્ત કરી છે. એટલુ જ નહિ એબીપીએ તો ત્યાં સુધી કહી દીધુ છે કે રાધે મા સંત નથી. તેમને ધર્મની કોઈ જાણકારી નથી એ તો માત્ર નાચ-ગાન કરી શકે છે. આ મોટા નિવેદન સાથે જ રાધે મા વિશે નવો વિવાદ ઉપજતો દેખાઈ રહ્યો છે. આ કોન્ટ્રોવર્સી રાધે માના બિગ બૉસ 14માં આવવા અંગે થઈ છે. બિગ બૉસ સિઝન 14માં રાધે માએ માત્ર ગ્રાન્ડ એન્ટ્રી લીધી એટલુ જ નહિ પોતાના ડાંસથી સૌને ચોંકાવી પણ દીધા. બિગ બૉસ 14માં રાધેમાંએ કન્ટેસ્ટન્ટને ઉપદેશ આપ્યા અને આશીર્વાદ પણ આપ્યા. આ અંગે અખાડા પરિષદ તરફથી સવાલ ઉઠાવવામાં આવ્યા છે. આ બધુ પરિષદને જામ્યુ નહિઅને તેમણે રાધે માના સિદ્ધાંતો પર સવાલ ઉઠાવ્યા.

અખાડામાંથી હાંકી કાઢવામાં આવ્યા

મીડિયા રિપોર્ટ્સ અનુસાર અખિલ ભારતીય અખાડા પરિષદ તરફથી ઔપચારિક નિવેદન જારી કરવામાં આવ્યુ છે. આમાં કહેવામાં આવ્યુ છે કે રાધે મા સંત નથી અને ના તેમને ધર્મની જાણકારી છે. એબીપી અધ્યક્ષે કહ્યુ કે રાધે મા કોઈ પણ અખાડા સાથે જોડાયેલા નથી.

રાધે મા કરે છે નાચ-ગાન

રાધે માને એબીપી અધ્યક્ષ નરેન્દ્ર ગિરીએ કહ્યુ કે રાધે મા પહેલા જૂના અખાડા સાથે જોડાયેલા હતા. તેમને મહામંડલેશ્વરની ઉપાધિ આપવામાં આવી હતી. પરંતુ તેમના રંગ જોયા બાદ તેમને કાઢી મૂકવામાં આવ્યા. નરેન્દ્ર ગિરીએ રાધે મા વિશે ત્યાં સુધી કહ્યુ કે તેમને ધર્મની કોઈ જાણકારી નથી તે માત્ર નાચ-ગાન કરી શકે છે.