કૃતિકા-નિકિતિનની શાનદાર સંગીત સેરેમની : ગૌહર-કુશાલ બન્યા દીવાના...

Updated: Wednesday, September 3, 2014, 15:52 [IST]

મુંબઈ, 3 સપ્ટેમ્બર : ખતરોં કે ખિલાડી 5ના ફાઇનલિસ્ટ અને ચેન્નઈ એક્સપ્રેસમાં થંગબલીનો રોલ કરી જાણીતા બનેલા નિકિતિન ધીર અને ટેલીવિઝન અભિનેત્રી કૃતિકા સેંગર ફાઇનલી પતિ-પત્ની બનવા જઈ રહ્યા છે. લગ્નનું સમારંભ શરૂ થઈ ચુક્યુ છે અને આજે રાત્રે બંને પરણી જશે. દરમિયાન ગઈકાલે મુંબઈ ખાતે શાનદાર સંગીત સેરેમની યોજાઈ ગઈ.

નિકિતિન ધીર શાહરુખ ખાન અભિનીત ચેન્નઈ એક્સપ્રેસ ફિલ્મમાં થંગબલીનો રોલ કર્યા બાદ લાઇમલાઇટમાં આવ્યા હતાં, તો સુંદર ટેલીવિઝન અભિનેત્રી કૃતિકા સેંગર ઝાંસી કી રાની તથા પુનર્વિવાહ જેવા શો માટે જાણીતા છે. નિકિતિન-કૃતિકાના આ લગ્ન ઍરેંજ-સહ-લવ મૅરેજ હશે.

કૃતિકા સેંગરે થોડાક દિવસ અગાઉ એક લીડિંગ વેબસાઇટ સાથે વાતચીતમાં જણાવ્યું - આ એક ઍરેંજ્ડ-કમ-લવ મૅરેજ છે. હું નિકિતિનના પિતા પંકજ ધીરની દિગ્દર્શક તરીકેની પ્રથમ ફિલ્મ માય ફાધર ગૉડ ફાધર માટે શૂટિંગ કરતી હતી. નિકિતિનના પિતાએ તે જ વખતે નિકિતિનના માંગા માટે મારા વાલીઓ સાથે વાત કરી. તે પછી હું અને નિકિતિન મળ્યાં. હું પંકજ અંકલ અને નિકિતિન સાથે સાચે બંધાઈ ગઈ અને અમે બંને પણ એક-બીજાને પસંદ કરવા લાગ્યાં.

કૃતિકા પોતાના જીવનમાં નિકિતિનને આશીર્વાદ તરીકે જુએ છે. તેમણે જણાવ્યું - નિકિતિન ઇઝ ઍ પ્યોર સાઉલ. તેમની અંદરની પારદર્શિતા ખૂબ જ વિઝિબલ છે. હું નિકિતિનના પરિવાર જેવો જ પરિવાર ઇચ્છતી હતી અને હું તેને આશીર્વાદ માનુ છું. હું ખૂબ ઉત્સાહિત છું. પુનર્વિવાહ કે બાદ અબ સચ મેં મેરા પહલા વિવાહ હોગા.

ચાલો બતાવીએ નિકિતિન-કૃતિકાની સંગીત સેરેમનીની તસવીરી ઝલક :