મંદિરા ખોલશે સાડી સ્ટોર, રેખાને પહેરાવશે સાડી

મુંબઈ, 19 ઑક્ટોબર : જાણીતા ટેલીવિઝન અભિનેત્રી અને ક્રિકેટ એંકર મંદિરા બેદીને નવા-નવા પ્રયોગો કરવા ગમે છે. આજકાલ તેઓ અનિલ કપૂર સાથે કલર્સના થ્રિલર-એક્શન શોમાં નજરે પડે છે. તેઓ ટુંકમાં જ પોતાનો સાડીઓનો સ્ટોર શરૂ કરવા જઈ રહ્યાં છે કે જ્યાં તેઓ પોતે ડિઝાઇન કરેલી સાડીઓ વેચવા માંગશે.

જોકે મંદિરા બેદી અગાઉ પણ પોતાની ડિઝાઇનર સાડીઓનો જલવો પાથરી ચુક્યા છે કે તેમની પાસે ડિઝાઇનિંગનો પણ હુનર છે. સૌની જેમ મંદિરાની પણ દિલથી ઇચ્છા છે કે તેઓ એક દિવસ સિને અભિનેત્રી રેખા માટે સાડી ડિઝાઇન કરે. રેખા સામાન્યતઃ કાંજીવરમ જેવી ભારે-ભરખમ સાડીઓમાં દેખાય છે. સામાન્ય રીતે રેખાને ગોલ્ડન કલરમાં પણ જોવામાં આવે છે.

મંદિરા બેદીએ ગુરુવારે એક ઈવેંટમાં જણાવ્યું - હું કોના માટે ડિઝાઇન કરવા ઇચ્છીશ? હું રેખા માટે આમ કરવાનું પસંદ કરીશ. સાડીમાં તેમનાથી વધુ બહેતર કોઈ ન દેખાઈ શકે. હું ટુંકમાં જ પોતાનો પરિધાન સ્ટોર ખોલીશ. તેમાં 190 સાડીઓ હશે કે જેને લોકો ખરીદી શકશે. મને લાગે છે હું પહેલાથી ડિઝાઇનર છું. તાજેતરના વર્ષોમાં હું યજમાની દરમિયાન સાડીઓથી જોડાઈ છું. સાડીઓ મારાથી જોડાઈ છે અને મારી અંદર એક સારી સમજણ ઊભી થઈ છે. તેથી મેં પોતાના આ પ્રેમને આગળ ધપાવ્યો છે.

નોંધનીય છે કે ટેલીવિઝન સીરિયલ શાંતિ દ્વારા ઘરે-ઘરે ઓળખ સ્થાપિત કરનાર મંદિરા બેદીએ આદિત્ય ચોપરાની હિટ ફિલ્મ દિલવાલે દુલ્હનિયા લે જાયેંગેમાં એક નાનકડો રોલ કર્યો હતો. પછી તેઓ નાના પડદે પરત ફર્યાં. એકતા કપૂરના હિટ શો ક્યોંકિ સાસ ભી કભી બહૂ થીમાં એક વૅમ રોલમાં નજરે પડનાર મંદિરા બેદી દેશના પ્રથમ મહિલા ક્રિકેટ એંકર બનવાનું બહુમાન ધરાવે છે. તાજેતરમાં માતૃત્વ સુખ પ્રાપ્ત કરનાર મંદિરા ઇન્ડિયન આઇડલ જૂનિયર સાથે નાના પડદે પાછા ફર્યાં છે અને હાલ 24 શોમાં દેખાય છે.

English summary

Mandira Bedi, who launched her own line of saris and will soon open her store, wants to design for legendary actress Rekha, known for her exotic choice of the six-yards.