KBC: ધોની સાથે જોડાયેલ આ સવાલ પર ફસાઈ ગયાં ગુજરાતી ટીચર, 3.20 લાખ રૂપિયાનો સવાલ હતો

નવી દિલ્હીઃ સોની ટીવી પર પ્રસાર થતો શો કોન બનેગા કરોડપતિની 11મી સીઝનમાં ભાવનગરમાં રહેતાં બીનાબેન પ્રવીણભાઈ ઠાકોર હૉટ સીટ પર પહોંચ્યાં હતાં. સો દરમિયાન તેમણે અમિતાભ બચ્ચન સાથે ઘણી વાતો કરી. બીનાબેન વ્યવસાયે એક અધ્યાપક છે. તેઓ ક્લાસ 6થી 8 સુધી બાળકોને ગણિત અને વિજ્ઞાન ભણાવે છે. જ્યારે ગેમ દરમિયાન ભારતીય ક્રિકેટ ટીમના પૂર્વ કેપ્ટન એમએસ ધોનીને સંબંધિત એક સવાલ પર તેઓ ફસાઈ ગયાં અને તેમણે ગેમ ક્વિટ કરવી પડી. કેબીસીમાં પહોંચેલ બીનાબેને કેટલીય મજેદાર વાતો જણાવી.

ગુજરાતી ટીચરે 1.60 લાખથી જ સંતોષ માનવો પડ્યો

આ શો દરમિયાન અમિતાભ બચ્ચને તેમનું નામ લઈને બોલાવ્યાં તો બીનાબેને કહ્યું, 'તમે મને માત્ર બીના કહીને બોલાવો, આખું નામ લેવા પર એવું લાગે છે જાણે હું બહુ મોટી થઈ ગઈ હોઉં.' જેના પર બિગ બીએ કહ્યું કે તમે મારાથી મોટા ન હોય શકોને? હું તો 77 પાર કરી ચૂક્યો છું. અમિતાભે આમ કહેતાં જ બધા દર્શકો હંસવા લાગ્યા. બીનાબેને કેબીસીમાં એક લાખ 60 હજાર રૂપિયા જીત્યા.

ધોની સાથે જોડાયેલ સવાલ પર ગેમ છોડી

જણાવી દઈએ કે તેમણે મહેન્દ્ર સિંહ ધોની સાથે જોડાયેલ એક સવાલ પર ગેમથી ક્વિટ કરી લીધું. શો દરમિયાન તેમને સવાલ કરવામાં આવ્યો કે, 'કેપ્ટન તરીકે આઈપીએલમાં 100 મેચ જીતનાર પહેલા ખેલાડી કોણ છે? જેનો જવાબ તેમને નહોતો આવડતો. આ સવાલનો સાચો જવાબ હતો એમએસ ધોની. આની સાથે જ બીનાબેને 1 લાખ 60 હજાર રૂપિયાથી સંતોષ માનવો પડ્યો.'

ક્લાસ 6થી 8ના બાળકોને ભણાવે છે

શો દરમિયાન અમિતાભ બચ્ચન સાથે વાતચીત કરતા બીનાબેને કહ્યું કે, 'મારા સાસુ-સસરા સાથે જ રહે છે. તેઓ બોલી કે સાંભળી શકતાં નથી. મારા પતિને પણ સાંભળવાની સમસ્યા છે. છતાં અમારી વચ્ચે સારી બોન્ડિંગ છે.' બીનાબેનની વાતો સાંભળી અમિતાભે પૂછ્યું કે તમને એડજસ્ટ કરવામાં તકલીફ ન પડી? તો તેમણે કહ્યું કે, મને લાગે છે કે મારા લગ્ન બીજે ક્યાંક થયાં હોત તો કદાચ હું આટલી ખુશ ન રહી શકી હોત. બીનાબેન સાથે શોમાં તેના પતિ પણ આવ્યા હતા, જે તેમની વાતો સાંભળી બહુ ભાવુક થઈ ગયા હતા.

English summary

Gujarati teacher couldn't answered question related dhoni in KBC