PICS : અડગ પ્રેમની આદર્શ કહાણી એટલે એંજેલિના જોલી અને બ્રૅડ પિટ...

Published: Monday, September 1, 2014, 12:40 [IST]

પેરિસ, 1 સપ્ટેમ્બર : ફાઇનલી એંજેલિના જોલી અને બ્રૅડ પિટ પરણી જ ગયાં. સંયુક્ત નામ બ્રૅંજેલિના તરીકે ઓળખાતું આ કપલ 2005થી ડેટિંગ કરતુ હતું અને 2012માં સગપણ થયા હતાં. સાત વર્ષના લાંબા સમય બાદ તેમણે ત્રણ બાળકોને દત્તક લીધા અને ત્રણ તેમના પોતાના બાળકો થયાં. જ્યારથી એંજેલિના-બ્રૅડ ડેટિંગ કરતા હતા, ત્યારથી લોકોને તેમના લગ્નની ઇંતેજારી હતી.

બ્રૅડ પિટ તથા એંજેલિના જોલી હૉલીવુડના મોસ્ટ ટૉક્ડ કપલ છે કે જેઓ પહેલી વાર મિસ્ટર એન્ડ મિસિસ સ્મિથ (2005)માં ઑન-સ્ક્રીન સાથે દેખાયા હતાં. કો-સ્ટારમાંથી મોસ્ટ રોમાંટિક કપલ બન્યા સુધીની બ્રૅંજેલિનની સફર ખૂબ જ અસરકારક રહી હતી.

એંજેલિના જોલી અને બ્રૅડ પિટે આ 9 વર્ષના સંબંધો દરમિયાન ઘણા ઉતાર-ચઢાવનો સામનો કર્યો છે, પરંતુ તેમના મજબૂત પ્રેમ અને વિશ્વાસે તેમને સાથે રાખ્યો. લગ્ન અંગેની અંતહીન ચર્ચાઓ વચ્ચે બ્રૅંજેલિનાએ તાજેતરમાં લગ્ન કરી જ લીધાં.

જો આપણે તેમના પબ્લિક ઍપીરિયંસને જોઇએ, તો બ્રૅડ પિટ તથા એંજેલિના જોલીએ સતત પોતાનો પ્રેમ વ્યક્ત કર્યો છે. આજે અમે આપણે જઇશું બ્રૅંજેલિનાની જૂની યાદોમાં.

જુઓ નવપરિણીત યુગલ એંજેલિના જોલી-બ્રૅડ પિટની તસવીરી ઝલક :

હનીમૂન

લેટેસ્ટ રિપોર્ટ્સ મુજબ નવપરિણીત યુગલ હાલમાં હનીમૂન માટે ગોઝો આઇસલૅન્ડ રવાના થઈ ગયુ છે.

ફ્રાંસમાં લગ્ન

બ્રૅંજેલિનાએ ફ્રાંસ ખાતે એક નાનકડા અને અંગત સમારંભમાં લગ્ન કર્યા હતાં કે જેમાં માત્ર 66 મહેમાનો હતાં.

6 સંતાનો

તમામ 6 સંતાનોએ પોતાના માતા-પિતાના લગ્નની વ્યવસ્થા સંભાળી. મૅડોક્સ તથા પૅક્સ પોતાના મમ્મીને લગ્ન-સ્થળે દોરી ગયાં, તો ઝહારા અને વિવિયને પુષ્પો પાથર્યાં. શિલોહ અને નૉક્સ યુગલ માટે લગ્નની વીંટી લઈને આવ્યાં.