સ્ટેન્ડ-અપ કૉમેડિયન વીર દાસના ટૉયલેટમાં મળ્યો સાપ, Video શેર કરી કહ્યુ - હું હવે ફરીથી ક્યારેય...

Vir Das Bathroom Video: બૉલિવુડ એક્ટર અને પ્રખ્યાત સ્ટેન્ડ-અપ કૉમેડિયન વીર દાસને તાજેતરમાં ઈન્ટરનેશનલ એમી એવોર્ડથી નવાજવામાં આવ્યા હતા. ત્યારથી અભિનેતા સોશિયલ મીડિયા પર ચર્ચાનો વિષય બન્યા છે. હાલમાં તે પોતાના આગામી પ્રોજેક્ટના શૂટિંગમાં વ્યસ્ત છે.

આ દરમિયાન વીર દાસે સોશિયલ મીડિયા પર એક વીડિયો શેર કર્યો છે જેણે બધાને ચોંકાવી દીધા છે. વાસ્તવમાં, અભિનેતાના બાથરૂમમાં એક સાપ ઘૂસી ગયો હતો, જેની એક ઝલક તેણે તેના ફેન્સને પણ બતાવી હતી. અભિનેતા તેના શૂટિંગને કારણે ઈકો રિસોર્ટમાં રોકાયો હતો.

વીર દાસે પોતાના X એકાઉન્ટ પર પોતાના બાથરૂમનો આ વીડિયો શેર કર્યો છે. આ વીડિયોમાં તેણે જણાવ્યું છે કે જ્યારે તે બાથરૂમમાં ગયો ત્યારે તેણે એક સાપને છત પરથી જમીન પર પડતા જોયો. તેણે વીડિયોમાં કહ્યું છે - જ્યારે હું રાત્રે વૉશરૂમમાં ગયો ત્યારે અચાનક એક સાપ છત પરથી નીચે પડ્યો અને સીધો ફ્લશ હેન્ડલ પાસેની પાણીની ટાંકી પર પડ્યો. આ દ્રશ્ય જોઈને હું એટલો ડરી ગયો કે હું ફરી ક્યારેય બાથરૂમ નહિ જઉ.

વીર દાસનો આ વીડિયો જોઈને લોકો ખૂબ જ પરેશાન થઈ ગયા છે. અભિનેતાના ચાહકો સોશિયલ મીડિયા પર વિવિધ પ્રકારની પ્રતિક્રિયાઓ આપી રહ્યા છે. એક યૂઝરે લખ્યું છે- એટલા માટે મને આવા ઈકો પ્લેસથી નફરત છે. જળો, જંતુઓ, સાપ, ચામાચીડિયા... આ બધાં જ આવા સ્થળોએ હાજર હોય છે. જ્યારે બીજાએ લખ્યું છે - હું ક્યારેય કોઈ ઈકો-રિસોર્ટમાં નહિ જઉ.

વીર દાસે પણ પોતાના ઈન્સ્ટાગ્રામ એકાઉન્ટ પર આવો જ એક વીડિયો શેર કર્યો છે અને ઘટના પછી પોતાની એક ઝલક પણ બતાવી છે. ઇકો રિસોર્ટના પલંગ પર બેસીને વીરે કહ્યું - હું રાત માટે ઇકો-રિસોર્ટમાં છું, સુંદર રિસોર્ટ, તે ખૂબ સરસ છે. આ પછી તેણે બાથરૂમમાં જતી વખતે સાપ સાથે તેની મુલાકાત વિશે જણાવ્યું.

વીર દાસના આ વીડિયોમાં કર્મચારીઓ પણ સાપને શોધતા બતાવવામાં આવ્યા છે. ક્લિપમાં વીરે કહ્યું- અને હવે હું મારા જીવનમાં ક્યારેય બાથરૂમ નહીં જઉ. તેણે પોસ્ટના કેપ્શનમાં લખ્યું છે - સાપ.

At an eco resort for the night because we’re shooting nearby. Needed to take a piss. Opened up the bathroom door, stood over the pot, junk out, and before I began…a snake fell from the ceiling directly on to the water tank near the flush handle. Yup. Never peeing again 👍 pic.twitter.com/OnqX05HJPj

— Vir Das (@thevirdas) April 10, 2024

English summary

Vir Das found snake in resort room, shared video, said I will never do this again.