આ બોલિવૂડ ફિલ્મો ધાર્મિક ભાવનાને લઈને હંગામાનો ભોગ બની ચુકી છે, કેટલીક ફિલ્મોએ તો આગ લગાવી હતી!
બોલિવૂડમાં સમયાંતરે ઘણી ફિલ્મો બને છે જે રિલીઝ પહેલા જ પોતાના પોસ્ટર અથવા ટ્રેલરને કારણે વિવાદોમાં ફસાઈ જાય છે. ઘણી ફિલ્મો પર લોકોની ધાર્મિક ભાવનાઓને ઠેસ પહોંચાડવાનો આરોપ પણ લગાવવામાં આવ્યો છે.
બોલિવૂડમાં સમયાંતરે ઘણી ફિલ્મો બને છે જે રિલીઝ પહેલા જ પોતાના પોસ્ટર અથવા ટ્રેલરને કારણે વિવાદોમાં ફસાઈ જાય છે. ઘણી ફિલ્મો પર લોકોની ધાર્મિક ભાવનાઓને ઠેસ પહોંચાડવાનો આરોપ પણ લગાવવામાં આવ્યો છે. આ રિપોર્ટમાં અમે તમને એવી ફિલ્મો વિશે જણાવીશું, જેણે રિલીઝ થયા બાદ ઘણો હંગામો મચાવ્યો હતો.
પીકે
આમિર ખાન અને અનુષ્કા શર્મા સ્ટારર ફિલ્મ પીકેને લઈને પણ ઘણો વિવાદ થયો હતો. 2014ની ફિલ્મના એક સીનમાં ભગવાન શંકરના રૂપમાં એક વ્યક્તિ ડરીને ટોઇલેટમાં દોડતો દેખાડવામાં આવ્યો હતો. ફિલ્મના આ સીનને લઈને ઘણો હોબાળો થયો હતો.
લુડો
અમિતાભ બચ્ચન અને રાજકુમાર રાવ અભિનીત આ ફિલ્મમાં ભગવાન શંકર અને માતા કાલી કારને ધક્કો મારતા બતાવવામાં આવ્યા હતા. લોકોએ ફિલ્મના આ સીન વિશે મેકર્સને ઘણું બધું સંભળાવ્યુ હતું.
તાંડવ
સૈફ અલી ખાન સ્ટારર તાંડવ વેબ સિરીઝ પર પણ ધાર્મિક ભાવનાઓને ઠેસ પહોંચાડવાનો આરોપ લાગ્યો હતો. આ શ્રેણીના એક દ્રશ્યમાં એક અભિનેતા ઝીશાન અય્યુબ ભગવાન શિવના પોશાકમાં જોવા મળ્યો હતો, જેનો હિન્દુ સંગઠનોએ વિરોધ કર્યો હતો.
લક્ષ્મી બોમ્બ
અક્ષય કુમાર સ્ટારર ફિલ્મ લક્ષ્મી તેના નામના કારણે વિવાદોમાં ફસાયેલી હતી. અગાઉ મેકર્સે ફિલ્મનું નામ લક્ષ્મી બોમ્બ રાખ્યું હતું, જેનો ભારે વિરોધ થયો હતો. બાદમાં વધી રહેલા વિરોધને કારણે ફિલ્મનું નામ બદલવામાં આવ્યું હતું.
ઝીરો
શાહરૂખ ખાન સ્ટારર ફિલ્મ ઝીરોના ટ્રેલર બાદ ઘણો હોબાળો થયો હતો. ફિલ્મના ટ્રેલરમાં શાહરૂખ ખાન કિરપાન સાથે જોવા મળ્યો હતો, જેના માટે ગુરુદ્વારા પ્રબંધક સમિતિના જનરલ સેક્રેટરી મનજિંદર સિંહ સિરસાએ શાહરૂખ વિરુદ્ધ ફરિયાદ નોંધાવી હતી.
અ સૂટેબલ બોય
અ સૂટેબલ બોય વેબસિરીઝને લઈને પણ ઘણો વિવાદ થયો હતો. શ્રેણીના એક દ્રશ્યમાં મંદિરના પ્રાંગણમાં એક અશ્લીલ દ્રશ્ય ફિલ્માવવામાં આવ્યું હતું, જેનો હિન્દુ સંગઠનોએ વિરોધ કર્યો હતો.
કાલી
લીના મણિમેકલાઈ દ્વારા બનેલી ડોક્યુમેન્ટરી ફિલ્મ કાલીને લઈને મોટો વિવાદ ઊભો થયો હતો. આ ફિલ્મના પોસ્ટરમાં મા કાલીનો પોશાક પહેરેલી એક મહિલા સિગારેટ પીતી બતાવવામાં આવી છે અને તેના હાથમાં LGBTQ ધ્વજ છે. પોસ્ટર રિલીઝ થયા બાદથી સોશિયલ મીડિયા પર લીનાની ધરપકડની માંગ ઉઠી હતી.
Click it and Unblock the Notifications
Sign in with Google
