દિવાળી પાર્ટીમાં સાથે દેખાયા સુષ્મિતા સેન અને એક્સ. રોહમન શૉલ, લોકોએ કહ્યુ - પેચઅપ થઈ ગયુ લાગે, જુઓ Video

Sushmita Sen-Rohman Shawl: બોલિવુડ અભિનેત્રી સુષ્મિતા સેન હાલમાં વેબ સીરિઝ આર્યા 3ને લઈને ચર્ચામાં છે. ફેન્સ તેની એક્ટિંગના ખૂબ વખાણ કરી રહ્યા છે. પોતાની પ્રોફેશનલ લાઈફ ઉપરાંત, અભિનેત્રી ઘણીવાર તેની અંગત જિંદગી માટે પણ હેડલાઈન્સમાં રહે છે.

હાલમાં જ સુષ્મિતા સેન પોતાના એક્સ બૉયફ્રેન્ડ રોહમન શૉલ સાથે દિવાળી પાર્ટીમાં પહોંચી હતી. જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

વાસ્તવમાં, ગઈકાલે રાત્રે સુષ્મિતા સેન તેના એક્સ બૉયફ્રેન્ડ રોહમન શૉલ સાથે ફિલ્મમેકર રમેશ તૌરાનીની દિવાળી પાર્ટીમાં પહોંચી હતી. આ દરમિયાન બંને વચ્ચે મજબૂત બોન્ડિંગ જોવા મળ્યું હતું. રોહમન અને સુષ્મિતા એકબીજાના હાથ પકડેલા જોવા મળ્યા હતા. આ પછી બંનેએ પાપારાઝી માટે જોરદાર પોઝ આપ્યા હતા.

પોઝ આપતા સમયે સુષ્મિતા અને રોહમન એકબીજાની ખૂબ જ નજીક હતા. આ પછી રોહમન તેની એક્સ ગર્લફ્રેન્ડના પલ્લુને સંભાળતો પણ જોવા મળ્યો હતો. સોશિયલ મીડિયા પર આ વીડિયો વાયરલ થતાં જ ચાહકોએ અનુમાન લગાવવાનું શરૂ કરી દીધું કે બંને ફરી પેચઅપ થઈ ગયા છે. બંનેની આ ખાસ બોન્ડિંગ જોઈને ફેન્સ ઘણા ખુશ થઈ ગયા અને સતત કોમેન્ટ કરી રહ્યા છે.

વીડિયો પર કોમેન્ટ કરતાં એક યુઝરે લખ્યું, 'બંનેનું બ્રેકઅપ થઈ ગયું હતું, શું તેઓ ફરી એક બીજા સાથે પાછા આવ્યા છે?' એકે લખ્યું, 'તેઓ ફરીથી સાથે છે'. અન્ય યુઝરે લખ્યું, 'લલિત મોદી ક્યાં ગયા?' જ્યારે એક યુઝરે લખ્યું કે, 'ફાઇનલ પેચઅપ માટે બંનેને અભિનંદન'. હાલમાં આ કપલનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે.

તમને જણાવી દઈએ કે વર્ષ 2021માં સુષ્મિતા સેને રોહમન શૉલ સાથેના બ્રેકઅપની જાહેરાત કરી હતી. બંને લગભગ ત્રણ વર્ષથી એકબીજાને ડેટ કરી રહ્યાં હતાં. પરંતુ બ્રેકઅપ પછી બંને ખૂબ જ સારા મિત્રો રહ્યા. જોકે, તેમના બ્રેકઅપથી ચાહકો ખૂબ જ નિરાશ થયા હતા. હવે સુષ્મિતા અને રોહમન ઘણા સમયથી સાથે જોવા મળ્યા છે. હવે ચાહકો જાણવા માંગે છે કે શું બંને ફરી એક બીજાને ડેટ કરી રહ્યા છે? વેલ, અત્યાર સુધી આ અંગે કપલ તરફથી કોઈ સત્તાવાર નિવેદન આવ્યું નથી.

English summary

Sushmita Sen and Rohman Shawl together in Diwali party, rumours of patch up, See video.