પહેલી વાર અબરામ સાથે જન્મ દિવસ ઉજવતાં શાહરુખ

Updated: Wednesday, October 8, 2014, 16:52 [IST]

મુંબઈ, 2 નવેમ્બર : આજે બૉલીવુડના બાદશાહ શાહરુખ ખાનનો 48મો જન્મ દિવસ છે. આ વખતનો જન્મ દિવસ શાહરુખ ખાન માટે બહુ ખાસ છે, કારણ કે આ વખતે તેમના નાનકડા પરિવારમાં એક સભ્યનો ઉમેરો થયો છે. પત્ની ગૌરી ખાન અને બાળકો સુહાના તેમજ આર્યન સાથે છેલ્લા જન્મ દિવસો ઉજવનાર શાહરુખ ખાન આ વખતે પહેલી વાર પોતાના સરોગેટ પુત્ર અબરામ સાથે જન્મ દિવસ ઉજવશે.

ટેલીવિઝનની દુનિયાથી પોતાનું કૅરિયર શરૂ કરનાર કિંગ ખાનની પ્રથમ ફિલ્મ દીવાના 1992માં આવી હતી. તેમાં તેમની સાથે હતાં ઋષિ કપૂર તેમજ દિવ્યા ભારતી. ફિલ્મ જબર્દશ્ત હિટ થઈ હતી અને કિંગ ખાન લોકોના હૃદયમાં વસી ગયા હતાં.

બાઝીગર તેમજ ડર ફિલ્મો દ્વારા તેમણે ફિલ્મી હીરોની છબી જ બદલી નાંખી. તેને પગલે તેમની કિસ્મતનો સિતારો એમ બુલંદીએ પહોંચ્યો કે જ્યાં પહોંચવું દરેકના ભાગ્યમાં નથી હોતું. પોતાના કૅરિયરમાં શાહરુખે અત્યાર સુધી 8 ફિલ્મ ફૅર સર્વશ્રેષ્ઠ અભિનેતાનું પુરસ્કાર જીતી ચુક્યાં છે.

સને 1995માં આવેલી દિલ દુલ્હનિયા લે જાયેંગે ફિલ્મ દ્વારા તેમણે સફલતાનો એવો ઇતિહાસ સર્જ્યો કે જેને લખવું દરેકના વશની વાત નથી હોતી. આ ફિલ્મ છેલ્લા 17 વર્ષોથી આજે પણ મુંબઈના એક થિયેટરમાં ચાલી રહી છે. દિલ તો પાગલ હૈ, પરદેશ, મોહબ્બતેં, કુછ કુછ હોતા હૈ, કભી ખુશી કભી ગમ, દિલ સે, દેવદાસ, વીર ઝારા, કલ હો ના હો એવી ફિલ્મો છે કે જેમણે બૉલીવુડના એક સિંપલ ખાનને બાદશાહ ખાન બનાવી નાંખી.

ગત વર્ષે જબ તક હૈ જાન ફિલ્મ દ્વારા ફરી એક વાર યશ ચોપરા સાથે જોડી બનાવનાર શાહરુખ ખાને આ વર્ષની સૌથી મોટી હિટ ફિલ્મ ચેન્નઈ એક્સપ્રેસ આપી. દીપિકા પાદુકોણે સાથે ઓમ શાંતિ ઓમ બાદ બીજી ફિલ્મ કરનાર શાહરુખ ખાનની ચેન્નઈ એક્સપ્રેસે અનેક રેકૉર્ડ તોડ્યા અને હવે તેઓ આગામી સમયમાં હૅપ્પી ન્યુ ઈયર જેવી ફિલ્મમાં પહેલી વાર અભિષેક બચ્ચન સાથે દેખાશે. હાલ તો વન ઇન્ડિયા પરિવાર પણ શાહરુખ ખાનના જન્મ દિવસે તેમને શુભેચ્છાઓ પાઠવે છે.

જો આપ પણ પોતાના આ પ્રિય ખાનને બર્થ ડે વિશ કરવા માંગતા હો, તો નીચે આપેલ કૉમેન્ટ બૉક્સમાં પોતાનો શુભેચ્છા સંદેશ લખી શકો છો.