શાહરૂખ ખાનના પુત્ર આર્યનની મુંબઈ ક્રૂઝ ડ્રગ્સ પાર્ટીમાં કરાઇ પૂછપરછ

નાર્કોટિક્સ કંટ્રોલ બ્યુરો (NCB) એ શનિવારના રોજ (2 ઓક્ટોબર) મુંબઈના દરિયાકિનારે ક્રુઝ શિપમાં સવાર કથિત "રેવ પાર્ટી" (ડ્રગ્સ પાર્ટી) પર રેડ કરીને 8-10 લોકોની ધરપકડ કરવામાં આવી હતી.

Published: Sunday, October 3, 2021, 11:48 [IST]

મુંબઈ : નાર્કોટિક્સ કંટ્રોલ બ્યુરો (NCB) એ શનિવારના રોજ (2 ઓક્ટોબર) મુંબઈના દરિયાકિનારે ક્રુઝ શિપમાં સવાર કથિત "રેવ પાર્ટી" (ડ્રગ્સ પાર્ટી) પર રેડ કરીને 8-10 લોકોની ધરપકડ કરવામાં આવી હતી.

NCB દ્વારા અટકાયતમાં લેવામાં આવેલા લોકોમાં બોલીવુડ સુપરસ્ટાર શાહરૂખ ખાનનો પુત્ર આર્યન ખાન પણ હતો. આ સિવાય NCB કસ્ટડીમાં રહેલા ઘણા બોલિવૂડ સ્ટાર્સ કિડની પણ પૂછપરછ કરી રહી છે. જો કે, શાહરૂખ ખાનના પુત્ર આર્યન ખાનને મુંબઈ ક્રૂઝ પર અટકાવવામાં આવ્યો હતો. NCB દ્વારા તેની પૂછપરછ કરવામાં આવી રહી છે. આર્યન ખાન સામે ગુનો નોંધાયો નથી, કે ધરપકડ પણ કરવામાં આવી નથી.

શાહરૂખના પુત્ર આર્યનને ગેસ્ટ તરીકે આમંત્રણ અપાયું હતું

ડ્રગ વિરોધી એજન્સી NCBએ કોર્ડેલિયા ક્રૂઝના ક્વીન શિપ પર રેડ દરમિયાન પ્રતિબંધિત પદાર્થો અને માદક દ્રવ્યો જપ્ત કરવામાં આવ્યા છે. સૂત્રોના જણાવ્યાનઅનુસાર શાહરૂખ ખાનના પુત્ર આર્યન ખાનને મુંબઈ ક્રૂઝ શિપ પાર્ટીમાં મહેમાન તરીકે આમંત્રણ આપવામાં આવ્યું હતું. આર્યન ખાને પાર્ટીમાં જોડાવા માટે પૈસા ચૂકવવા ન પડ્યા ન હતા. NCBની પૂછપરછ દરમિયાન આર્યન ખાને ખુલાસો કર્યો હતો કે, ઇવેન્ટના આયોજકોએ તેના નામનો ઉપયોગ કરીને અન્ય લોકોને આમંત્રણ આપ્યું હતું.

NCB તપાસ હેઠળ મુંબઈ ક્રૂઝ પાર્ટી આયોજકો

નાર્કોટિક્સ કંટ્રોલ બ્યુરો (NCB)ની તપાસ હેઠળ શનિવારના રોજ NCB દ્વારા રેડ કરવામાં આવેલા કોર્ડેલિયા ક્રુઝના રાણી જહાજના માલિકને પૂછપરછ માટે બોલાવવામાં આવ્યા છે. વિદેશી નાગરિકો સહિત વિવિધ ઇવેન્ટ આયોજકો પણ તપાસના દાયરામાં છે.

મુંબઈ ક્રૂઝ શિપ પર રેવ પાર્ટીમાં 8 લોકોની ધરપકડ

નાર્કોટિક્સ કંટ્રોલ બ્યુરો (NCB) એ શનિવારના રોજ રાત્રે મુંબઈના દરિયાકિનારે ક્રુઝ શિપ પર રેવ પાર્ટી પર રેડ કરવામાં આવી હતી. જેમાં 8 લોકોની ધરપકડ કરવામાં આવી છે. NCBના અધિકારીઓએ રેડ દરમિયાન વિવિધ ગેરકાયદેસર દવાઓ જેમ કે કોકેન, ચરસ અને MDMA જપ્ત કર્યા છે. NCB દ્વારા અટકાયત કરાયેલા લોકોને રવિવારના રોજ મુંબઈ પરત લાવવામાં આવશે.

NCB એ જણાવ્યું છે કે, મુંબઈના દરિયા કિનારે ક્રુઝ પર રેવ પાર્ટીના આયોજકોને સમન્સ મોકલવામાં આવ્યા છે. તેમને આજે રાત્રે 11 વાગ્યે NCB સમક્ષ હાજર થવા માટે કહેવામાં આવ્યું છે. શનિવારના રોજ પાર્ટી પર રેડ કર્યા બાદ 3 મહિલાઓ સહિત કુલ 13 લોકોને કસ્ટડીમાં લેવામાં આવ્યા છે.

Published On October 3, 2021