આમિરના માર્ગે સલમાન, ફિલ્મ નિર્માણ ક્ષેત્રે ઉતરશે

મુંબઈ, 16 એપ્રિલ : લાગે છે કે પોતાના મિત્રોની અસર સલમાન ખાન ઉપર ખૂબ વધારે પડે છે. એટલે જ તો તેમણે પોતાના મિત્ર આમિર ખાનની જેમ તેવી ફિલ્મો ઉપર પૈસા રોકવાનું વિચાર્યું છે કે જે લીકથી હટકે હોય છે. ખબર છે કે સલમાન ખાન પુનઃ એક વાર ફિલ્મ નિર્માણ ક્ષેત્રે ઉતરી રહ્યાં છે. આ વખતે તેઓ એક કૅનેડિયન ફિલ્મનું નિર્માણ કરી રહ્યાં છે કે જેનું નામ છે ડૉ. કૅબી. આ ફિલ્મનું દિગ્દર્શન હૉલીવુડ દિગ્દર્શક જીન ફૅંકોઇસ પૉલિયટે કર્યુ હતું.

સલમાન ખાન આ સુંદર કૅનેડિયન ફિલ્મને બૉલીવુડ સ્ટાઇલમાં બનાવવાનાં છે. ફિલ્મ એક એવા બેરોજગાર ડૉક્ટરની વાર્તા છે કે જેની કોઈ કદર નથી કરતું. હજી સુધી એ નક્કી નથી કે સલમાનની આ ફિલ્મમાં કલાકારો કોણ-કોણ હશે.

નોંધનીય છે કે વર્ષ 2011માં ચિલ્લર પાર્ટી ફિલ્મનું નિર્માણ સલમાન ખાને કર્યુ હતું. આ ફિલ્મને રાષ્ટ્રીય પુરસ્કારથી સન્માનિત કરાઈ હતી. આમિર ખાન પણ પીપલી લાઇવ, ધોબી ઘાટ તથા લગાન જેવી ફિલ્મોના નિર્માતા રહી ચુક્યાં છે કેજે લીકથી હટકે હતી અને આ ફિલ્મોને અનેક લોકોએ વખાણી છે તથા પુરસ્કારો પણ મેળવ્યાં છે.

English summary

Bollywood Dabangg Salman Khan to turn co-producer for Canadian film.