Pics : હવે સીબીએસઈના કોર્સમાં રજનીકાંત

Published: Friday, December 14, 2012, 14:09 [IST]

મુંબઈ, 14 ડિસેમ્બર : નથી આ કોઈ કિસ્સો કે નથી કોઈ જોક કે જે અમે આપને સંભળાવવા જઈ રહ્યાં છીએ. આ હકીકત છે કે તેઓ જીવતા-જાગતા દૃષ્ટાંત છે. જી હા, તામિળ ફિલ્મોના સુપર સ્ટાર અને ભગવાન તરીકે પૂજાતા અભિનેતા રજનીકાંત હવે કેન્દ્રીય માધ્યમિક પરીક્ષા બોર્ડ એટલે કે સીબીએસઈના છઠા ધોરણના પુસ્તકોમાં વંચાશે. તેમાં રજનીકાંતની બસ કંડક્ટરથી લઈ એક મહાનતમ અભિનેતા બનવા સુધીની સફર છે.

રજનીકાંતની આ સફર બાળકોની શીખવાડશે કે પોતાની મહેનત અને લાયકાતના બળે કોઈ પણ વ્યક્તિ ફર્શથી અર્શ પર પહોંચી શકે છે. બસ વ્યક્તિએ સખત મહેનતુ તેમજ દૃઢ સંકલ્પ ધરાવવું જોઇએ. સીબીએસઈના છઠા દોરણના બાળકોમાં રજનીકાંતનું આ ચૅપ્ટર ભણાવવામાં આવશે. આ ચૅપ્ટર લખ્યું છે રજનીકાંતના ફૅન અને મિત્ર રાવ બહાદુરે. રાવ બહાદુર તે બસના ડ્રાઇવર હતાં કે જેમાં રજનીકાંત કંડક્ટર હતાં.

ચૅપ્ટરનુ નામ છે ફ્રૉમ બસ કંડક્ટર ટુ સુપરસ્ટાર. આ પાઠ ભણાવવાનો એક જ ઉદ્દેશ છે કે વગર કોઈ ગૉડફાદરની મદદે કોઈ પણ વ્યક્તિ સામાન્યમાંથી ખાસ બની શકે છે. સીબીએસઈને લાગે છે કે રજનીકાંતની વાર્તા આવનાર પેઢી માટે એક આદર્શ સાબિત થશે. આ પાઠમાં માત્ર રજનીકાંતના સંઘર્ષની જ કહાણી નથી, બલ્કિ તેમની દયાળુતા, તેમના પ્રેમ અને સદાચારનું પણ વર્ણન કરાયું છે. તેમનું દેશ પ્રત્યે સમર્પણ તથા આટલી ઊંચાઇે પહોંચી પણ એકદમ સરળ હોવું પણ પાઠમાં બતાવાયું છે.

12-12-12ના રોજ રજનીકાંતે પોતાનો જન્મ દિવસ ઉજવ્યો. લાખોની સંખ્યામાં લોકો તેમના ઘરે શુભેચ્છાઓ પાઠવવા સવારથી જ પહોંચી ગયાં.