હિંમત હોય તો 10 મિનિટ માટે પ્રિયંકા ચોપડા જેવો ડ્રેસ પહેરીને બતાવોઃ હિના ખાન

પ્રિયંકા ચોપડાને હાલમાં જ તેના ડ્રેસ માટે ઘણી ટ્રોલ કરવામાં આવી હતી. હવે અભિનેત્રી હિના ખાન, પ્રિયંકાના ડ્રેસ માટે તેના સમર્થનમાં આવી છે.

Published: Wednesday, February 5, 2020, 13:36 [IST]

અભિનેત્રી પ્રિયંકા ચોપડાને હાલમાં જ તેના ડ્રેસ માટે ઘણી ટ્રોલ કરવામાં આવી હતી. આ ડ્રેસ તેણે ગ્રેમી અવોર્ડ્સ 2020માં પહેર્યો હતો. હવે અભિનેત્રી હિના ખાન, પ્રિયંકાના ડ્રેસ માટે તેના સમર્થનમાં આવી છે. હિનાએ કહ્યુ, મને સમજાતુ નથી કે જો કોઈ વ્યક્તિને પોતાના કપડા સહજ લાગતા હોય તો તમે તેના ટિપ્પણી કરનારા કોણ છો?

‘શું આટલી સહજતાથી આવુ ગાઉન પહેરી શકો છો'

ઝૂમ ટીવીને આપેલા ઈન્ટરવ્યુમાં હિનાએ ટ્રોલર્સને ચેલેન્જ આપી કે તે 10 મિનિટ સુધી આટલી સહજતાથી આવુ ગાઉન પહેરી શકે છે? હિનાએ કહ્યુ કે આટલી સહજતાથી ગાઉન પહેરવુ એટલુ સરળ નથી. આ રીતના કપડા પહેરવા માટે તમારામાં હિંમત હોવી જોઈએ. લોકો દરેક પ્રકારની વાતો કહી શકે છે પરંતુ પ્રિયંકા ધ્યાન જ નથી આપતી.

પ્રિયંકા ચોપડાની માએ પણ કર્યો હતો બચાવ

આ પહેલા પ્રિયંકા ચોપડાની મા મધુ ચોપડાએ પણ તેને ટ્રોલ કરવા પર તેનો બચાવ કર્યો હતો. તેમણે મીડિયાને સંબોધિત કરીને કહ્યુ હતુ, ‘તે (પ્રિયંકા) પોતાની શરતો પર જીવન ત્યાં સુધી જીવે છે જ્યાં સુધી તે કોઈને નુકશાન ન પહોંચાડતી હોય કે તેને ઈજા ન થઈ રહી હોય, એ તેનુ શરીર છે, તે એ કરી શકે છે, જે તે કરવા ઈચ્છે છે.'

ફિલ્મ 'હેક્ડ'માં દેખાશે હિના ખાન

વર્કફ્રન્ટની વાત કરીએ તો હિના ખાન વિક્રમ ભટ્ટની થ્રિલર ફિલ્મ ‘હેક્ડ'માં દેખાશે. આ ફિલ્મ 7 ફેબ્રુઆરી, 2020ના રોજ રિલીઝ થશે. વળી, પ્રિયંકા છેલ્લી વાર શોનાલી બોસની ફિલ્મ ‘ધ સ્કાઈ ઈઝ પિંક'માં દેખાઈ હતી. આ ફિલ્મમાં તેના સિવાય ફરહાન અખ્તર અને ઝાયરા વસીમ પણ મુખ્ય ભૂમિકામાં હતા. તેણે પોતાના આગલી ફિલ્મની ઘોષણા હાલમાં કરી નથી.

Published On February 5, 2020