મિથુનના પુત્રએ નશીલી દવા આપી કર્યુ યૌન શોષણ, જબરદસ્તીથી કરાવ્યો ગર્ભપાત

અભિનેતા મિથુન ચક્રવર્તીના પરિવાર માટે મુશ્કેલીઓ વધી શકે છે કારણકે તેમના પુત્ર મહાક્ષય ચક્રવર્તી (મિમોહ) પર બળાત્કાર, ઠગાઈ અને જબરદસ્તીથી ગર્ભપાત કરાવવાનો આરોપ લાગ્યો છે.

Published: Friday, July 6, 2018, 16:26 [IST]

હિંદી સિનેમાના ડાંસિંગ આઈકોન રહી ચૂકેલા અભિનેતા મિથુન ચક્રવર્તીના પરિવાર માટે મુશ્કેલીઓ વધી શકે છે કારણકે તેમના પુત્ર મહાક્ષય ચક્રવર્તી (મિમોહ) પર બળાત્કાર, ઠગાઈ અને જબરદસ્તીથી ગર્ભપાત કરાવવાનો આરોપ લાગ્યો છે. આ આરોપ લગાવ્યો છે ભોજપુરી અભિનેત્રીએ જેણે મિમોહની સાથે તેની મા યોગિતા બાલી પર પણ આ ષડયંત્રમાં શામેલ હોવાની વાત કહી છે. ગુરુવારે બળાત્કાર અને જબરદસ્તીથી ગર્ભપાત કરાવવાના મામલામાં બોમ્બે હાઈકોર્ટે મિથુનના પુત્ર મહાક્ષય અને પત્ની યોગિતા બાલીની આગોતરા જામીનની યાચિકાને ફગાવી દીધી છે.

લગ્નનું વચન આપીને તેની લાગણીઓ સાથે રમત રમી

પીડિત પક્ષના વકીલ રવિ સોનીએ અભિનેતાના પુત્ર પર સંગીન આરોપ લગાવ્યા છે. વકીલે મીડિયામાં નિવેદન આપ્યુ છે કે મિમોહે પીડિતાનું યૌન શોષણ કર્યુ, તે ચાર વર્ષથી એકબીજાને જાણતા હતા. ઘટનાને અંજામ આપતા પહેલા મિમોહે પીડિતાને કોઈ નશીલી દવા પિવડાવી હતી ત્યારબાદ અભિનેતાએ અભિનેત્રી પર બળાત્કાર કર્યો. ત્યારબાદ જ્યારે પીડિતા તેના બાળકની મા બનવાની હતી ત્યારે તેને ઈમોશનલી બ્લેકમેઈલ કરીને ગર્ભપાત કરાવ્યુ. ત્યારબાદ તે લગ્નનું વચન આપીને તેની લાગણીઓ સાથે રમત રમતો રહ્યો.

મિમોહે છોકરીને લાંબા સમય સુધી ડેટ કરી?

મિમોહ લગ્નનું વચન આપતો રહ્યો જેના કારણે પીડિતા આટલા દિવસો સુધી ચૂપ રહી પરંતુ હવે તે તેને સ્વીકારવા તૈયાર નથી અને બીજી જગ્યાએ લગ્ન કરી રહ્યો છે. મિમોહના એક યુવતી સાથે લગ્ન થવાના છે.

પીડિત હજુ પણ મિમોહ સાથે લગ્ન કરવા તૈયાર

વકીલે એ પણ કહ્યુ કે પીડિત યુવતી હજુ પણ મિમોહ સાથે લગ્ન કરવા તૈયાર છે પરંતુ મિમોહ અને આખો ચક્રવર્તી પરિવાર તેને સ્વીકારવા તૈયાર નથી અને તેને જ ખોટી ઠેરવી રહ્યો છે. તમને જણાવી દઈએ કે મિમોહ 7 જુલાઈના રોજ અભિનેત્રી શીલા શર્માની પુત્રી મદાલસા શર્મા સાથે વિવાહ કરવા જઈ રહ્યો છે.

થનારી સાસુએ પણ કર્યો મિમોહનો બચાવ..

આ વિશે શીલા શર્માએ હાલમાં જ મિમોહનો સપોર્ટ કર્યો હતો, તેણે કહ્યુ હતુ કે આ લગ્ન 7 જુલાઈએ જ થશે. મિમોહ તેને ક્યારેક (ફરિયાદી) મળ્યો હતો, એ અમને પહેલેથી જ ખબર હતી. મિમોહે મુશ્કેલીઓ ઉભી કરવા બદલ આ વિશે ફરિયાદ પણ કરી છે. હવે જ્યારે લગ્નને થોડાક જ દિવસ બાકી રહી ગયા છે ત્યારે તે શું કામ આ કરી રહી છે? એણે એક્શન લેવા માટે આટલો લાંબો સમય કેમ લીધો? બધાનો એક ભૂતકાળ હોય છે, મને મિમોહથી કોઈ ફરિયાદ નથી.

Published On July 6, 2018