Video/Pics :‘કીડા...’ સળવળ્યાં અને નાચી ઉઠી એક્શન જૅક્સન ટીમ

Updated: Friday, October 31, 2014, 15:42 [IST]

મુંબઈ, 31 ઑક્ટોબર : અજય દેવગણ અને સોનાક્ષી સિન્હાની આવનાર ફિલ્મ એક્શન જૅક્સન ખૂબ જ લોકપ્રિય થઈ રહી છે. ક્યારેક પોતાના પોસ્ટર્સ અંગે, તો ક્યારેક અજયના ડાન્સ અંગે આ ફિલ્મ ચર્ચામાં છે.

હવે એક્શન જૅક્સન ફિલ્મનું પહેલું ગીત ‘તુમસે મિલને કા કીડા અંદર હૈ...’ રિલીઝ કરવામાં આવ્યું છે. ફિલ્મના દિગ્દર્શક અને નૃત્ય-દિગ્દર્શક પ્રભુ દેવા છે. રિલીઝ થતા જ કીડા... ગીત ચર્ચિત પણ થયું છે. આ ગીતે સોશિયલ મીડિયા પર જોરદાર રિસ્પૉન્સ મેળવ્યો છે. 24 કલાકની અંદર જ લગભગ છ લાખ લોકો આ ગીત જોઈ ચુક્યા છે.

કીડા.. ગીતમાં સોનાક્ષી સિન્હા અને અજય દેવગણ ડાન્સ કરતા નજરે પડે છે. સોનાક્ષીને આપણે પહેલા પણ પ્રભુ દેવા સાથે ડાન્સ કરતા જોઈ ચુક્યા છે, પણ અજય-પ્રભુની જોડી પહેલી વાર સાથે જોવામાં આવી રહી છે. આ સાથે જ ગીતમાં અજય-સોનાક્ષીની કેમિસ્ટ્રી પણ ખૂબ જ રોમાંટિક લાગે છે. આ ગીત હિમેશ રેશમિયા અને નીતિ મોહને ગાયું છે. ગીતનું શૂટિંગ ઑસ્ટ્રેલિયામાં થયું છે. એક્શન જૅક્સન ફિલ્મ 5મી ડિસેમ્બરે રિલીઝ થવાની છે કે જે એક એક્શન-કૉમેડી ફિલ્મ છે.

ચાલો આપને બતાવીએ એક્શન જૅક્સન ફિલ્મના કીડા... ગીતના લૉન્ચિંગની તસવીરો અને ગીતનો વીડિયો :