સલમાનના પગલે કરણ ગેરહાજર રહ્યાં શાહરુખની પાર્ટીમાં

Published: Friday, January 4, 2013, 15:33 [IST]

મુંબઈ, 4 જાન્યુઆરી : શાહરુખ ખાન અને કરણ જૌહરની મૈત્રી અંગે બૉલીવુડમાં તમામ પ્રકારની વાતો થાય છે. કોઈ તેમને બેસ્ટ ફ્રેન્ડ ગણાવે છે, તો કોઇકની નજરે આ મૈત્રી નહીં, પણ કોઈક બીજો જ સંબંધ છે. ખેર આજની વાત કરીએ તો બંનેની મૈત્રીમાં લાગે છે કે અંતર આવી ગયો છે. એટલે જ તો કરણ જૌહર શાહરુખની પાર્ટીમાંથી ગાયબ રહ્યાં.

હકીકતમાં દુબઈમાં ગત 31મી ડિસેમ્બરની રાત્રે શાહરુખે ન્યુ ઈયર પાર્ટી યોજી હતી, પરંતુ આ પાર્ટીમાં તેમના સૌથી નજીકના મિત્ર કરણ જૌહર ગાયબ હતાં. તેઓ પણ દુબઈમાં જ હતાં. છતાં તેઓ પાર્ટીમાં દેખાયા નહીં. ફિલ્મી પંડિતોનું કહેવું છે કે દુબઈમાં એક જ દિવસે શાહરુખ અને સલમાન બંનેએ ન્યુ ઈયર પાર્ટી યોજી હતી અને બંનેએ કરણને આમંત્રણ આપ્યુ હતું, પરંતુ કરણ કોઈની પાર્ટીમાં પહોંચ્યા જ નહી. કારણ સ્પષ્ટ છે કે શાહરુખ કે સલમાન કોઈ એકની પાર્ટીમાં પહોંચી કરણ બબાલ ઊભી થવા દેવા નહોતા માંગતાં. તેથી તેમણે કોઈ પણ પાર્ટીમાં ન જવાનું જ મુનાસિબ માન્યું.

ખેર હજી આ અંગે કરણના જવાબનો ઇંતેજાર છે. પરંતુ એટલું તો નક્કી જ છે કે કિંગ ખાન કરણની ગેરહાજરી હજમ કરી નહીં શક્યા હોય. તો બીજી બાજુ સલ્લુ મિયા બંને વચ્ચેનો અંતર જુઈ મનોમન ખુશ થઈ રહ્યાં હશે.

Published On January 4, 2013