સલમાન ખાનને ડેટ કરી રહી છે પુજા હેગડે? જાણો શું કહ્યું પુજા હેગડે?

બોલિવૂડના ભાઈ સલમાન ખાનનું નામ વધુ એક અભિનેત્રી સાથે જોડાયુ છે. હવે આ દિવસોમાં સલમાન ખાન અને પુજા હેગડેના અફેરથી ખુબ ચર્ચા છે. હવે ફેન્સ પણ જાણવા માંગે છે કે હકિકત શું છે? જો કે હવે આ મુદ્દે પુજા હેગડેએ ચુપ્પી તોડી છે.

છેલ્લા ઘણા સમયથી ચર્ચાઓ વચ્ચે હવે પુજા હેગડેએ આખરે આ હકિકત પરથી પરદો ઉઠાવ્યો છે. પુજા હેગડેએ આ મુદ્દે ચુપ્પી તોડતા સલમાન ખાન સાથેના અફેરને અફવા ગણાવી દીધી છે.

પૂજા હેગડેએ કહ્યું કે તે અત્યારે માત્ર પોતાના કામ પર ધ્યાન આપી રહી છે. પૂજા હેગડેએ કહ્યું કે, હું શું કહી શકું? હું મારા વિશે વાંચતી રહી છું. હું સિંગલ છું. મને એકલા રહેવું ગમે છે. હું અત્યારે મારા કરિયર પર ધ્યાન કેન્દ્રિત કરી રહી છું. હું એક શહેરથી બીજા શહેરમાં જઈ રહી છું. આગળ જોઈ રહી છું. અત્યારે એ જ મારું લક્ષ્ય છે. હું બેસીને આ અફવાઓ પણ સાંભળી શકતી નથી, હવે હું શું કરૂ?

હવે પુજા હેરડેના આ ખુલાસાથી એક વાત ચોક્કસ છે કે બંને વચ્ચે અફેર જેવું કંઈ નથી અને તે માત્ર અફવા છે. જો કે સલમાન ખાને હજુ સુધી આ અંગે કોઈ પ્રતિક્રિયા આપી નથી અને લોકો તેની રાહ જોઈ રહ્યા છે.

અહીં જણાવી દઈએ કે આ પહેલા પણ સલમાન ખાનનું નામ ઘણી અભિનેત્રીઓ સાથે જોડાઈ ચૂક્યું છે. હાલ પુજા હેગડે અને સલમાન ખાન ફિલ્મ કિસી કા ભાઈ કિસી કી જાનમાં વ્યસ્ત છે અને ફિલ્મ ઈદ પર 21 એપ્રિલે રિલીઝ થઈ રહી છે.

આ ફિલ્મના ટ્રેલરને સારો પ્રતિસાદ મળ્યો છે. આ સિવાય આ ફિલ્મના તમામ ગીતો જોરદાર છે. જો કે આ ફિલ્મ બોક્સ ઓફિસ પર કેવું કામ કરે છે તે તો સમય જ કહેશે.

English summary

Is Pooja Hegde dating Salman Khan? Know what Pooja Hegde said?