હૃતિક રોશનને બુધવારે મળશે હૉસ્પિટલમાંથી રજા

Published: Monday, July 8, 2013, 13:13 [IST]

મુંબઈ, 8 જુલાઈ : હૃતિક રોશનની બ્રેન સર્જરી સફળતાપૂર્વક થઈ ગઈ છે. મુંબઈની હિન્દુજા હૉસ્પિટલમાં હૃતિકની સર્જરી દરમિયાન તેમનો આખો પરિવાર એટલે કે પિતા રાકેશ રોશન, પત્ની સુઝાન રોશન સાથે હતાં. ગઈકાલે થયેલી સર્જરી બાદ હવે હૃતિકને આગામી બુધવારે હૉસ્પિટલમાંથી રજા આપી દેવામાં આવશે. હૃતિક રોશનની બ્રેન સર્જરી ગઈકાલે સાંજે શરૂ થઈ. હૃતિક રોશનને બપોરે 2-3 વાગ્યે હિન્દુજા હૉસ્પિટલે દાખલ કરયા અને ત્યાં તેમની ઉપર સર્જરી કરાઈ. હૃતિક રોશને પોતાની બ્રેન સર્જરી અગાઉ ફેસબુક ઉપર પણ બે સ્ટેટસ અપડેટ કર્યાં.

હૉસ્પિટલ સૂત્રોમાંથી મળતી માહિતી મુજબ હૃતિક રોશન હવે સાજા છે અને બુધવારે તેમને હૉસ્પિટલમાંથી રજા આપી દેવામાં આવશે.. તેમની બ્રેન સર્જરીના પગલે સિદ્ધાર્થ આનંદની બૅંગ બૅંગ ફિલ્મનું શૂટિંગ થોડુક આગળ વધારી દેવાયું છે. હાલ હૃતિકની ક્રિશ 3 ફિલ્મ તૈયાર છે. તાજેતરમાં જ ફિલ્મના ગીતોનું ડબિંગ પણ પૂર્ણ થઈ ગયું છે.

7મી જુલાઈની સાંજે થયેલ હૃતિકની બ્રેન સર્જરી બાદ હૃતિકના ફૅન્સ ખુશ છે. હૃતિકની સર્જરી દરમિયાન તેમના પરિજનો ઉપરાંત બૉલીવુડના મિત્રો પણ ખડેપગે હૉસ્પિટલે હાજર રહ્યા હતાં. સર્જરી બાદ હૃતિકના પત્ની સુઝાને હૃતિકના તમામ ફૅન્સને થૅંક્સ કહ્યું. હૃતિક પોતાની સર્જરી બાદ વધુ મજબૂત થઈ બહાર આવશે. હૃતિકના મગજમાં એક બ્લડ ક્લૉટ હતો કે જેને કાઢવા માટે આ સર્જરી જરૂરી હતી. હૃતિકને થોડાંક દિવસ અગાઉ બૅંગ બૅંગ ફિલ્મના શૂટિંગ દરમિયાન માથામાં ઈજા પહોંચી હતી અને તેથી આ સર્જરી કરાવવી પડી.

Published On July 8, 2013