Suchandra Dasgupta Passed Away : બંગાળી ટીવી એક્ટ્રેસ સુચન્દ્રા દાસગુપ્તાનું અકસ્માતમાં મોત

Published: Sunday, May 21, 2023, 16:15 [IST]

Suchandra Dasgupta Passed Away : બંગાળી ફિલ્મ ઇન્ડસ્ટ્રીમાંથી એક માઠા સમાચાર આવ્યા છે. ઉલ્લેખનીય છે કે, બંગાળી ટીવી એક્ટ્રેસ સુચન્દ્રા દાસગુપ્તાનું માર્ગ અકસ્માતમાં મોત થયું હતું. એક્ટ્રેસ શુટિંગથી ઘરે પરત ફરી રહી હતી.

આ અકસ્માતને કારણે થોડા સમય માટે ટ્રાફિક જામના દ્રશ્યો સર્જાયા હતા. સુચન્દ્રા દાસગુપ્તાના મોતને કારણે તેના પરિવાર અને ફેન્સ ઘેરા આધાતમાં સરી પડ્યા છે.

સૂત્રો પાસેથી મળેલી માહિતી મુજબ, સુચન્દ્રા દાસગુપ્તા શનિવારના રોજ બાઇક પર શૂટિંગ કરીને પરત ફરી રહી હતી, પરંતુ રસ્તામાં એક સાયકલ સવાર વ્યક્તિ રોડ ક્રોસ કરી રહ્યો હતો. આ જોઈને બાઇક ચાલકે અચાનક બ્રેક મારી હતી, પરંતુ એક ટ્રકે બાઇકને ટક્કર મારી હતી.

આ પછી અભિનેત્રી બાઇક પરથી નીચે પડી અને પાછળથી આવી રહેલા ટ્રકે તેને કચડી નાખ્યો હતો. જેના કારણે અભિનેત્રીનું ઘટનાસ્થળે જ મોત થયું હતું. આ જ કારણ છે કે, ઘટના બાદ થોડા સમય માટે રોડ પરની અવરજવર ખોરવાઈ ગઈ હતી.

મળતી માહિતી મુજબ, પોલીસને ઘટનાની જાણ થતાં જ તેઓ તાત્કાલિક ઘટનાસ્થળે પહોંચી ગયા હતા. હાલ પોલીસે ટ્રક ચાલકની ધરપકડ કરી છે, પરંતુ આ ઘટનાએ સુચન્દ્રા દાસગુપ્તાના ચાહકોને ઘેરો આઘાત પહોંચાડ્યો છે. માત્ર 29 વર્ષની ઉંમરે અભિનેત્રીએ દુનિયાને અલવિદા કહી દીધું છે. અભિનેત્રીના નિધનથી તેના પરિવારજનોને ભારે આઘાત લાગ્યો છે.

Published On May 21, 2023