Pankaj Udhas: ગઝલ ગાયક પંકજ ઉધાસના આજે અંતિમ સંસ્કાર, પોતાની પાછળ છોડી ગયા કરોડોની સંપત્તિ

Published: Tuesday, February 27, 2024, 10:19 [IST]

Pankaj Udhas: પીઢ ગઝલ ગાયક પંકજ ઉધાસનું લાંબી માંદગીના કારણે નિધન થયું છે. તેમણે 72 વર્ષની વયે દુનિયાને અલવિદા કહી દીધું. પંકજ ઉધાસના પરિવારે તેમના મૃત્યુની પુષ્ટિ કરી. પંકજ ઉધાસના નિધનથી બૉલિવુડ સહિત સમગ્ર મનોરંજન ઉદ્યોગને આઘાત લાગ્યો છે.

સુપ્રસિદ્ધ ગાયક પંકજ ઉધાસના નિધન પર, તેમની પુત્રી નાયાબ ઉધાસે લખ્યું, "ખૂબ જ દુઃખ સાથે અમને જણાવવું પડે છે કે પદ્મશ્રી પંકજ ઉધાસનું 26 ફેબ્રુઆરી 2024ના રોજ નિધન થયું છે. તેઓ લાંબા સમયથી બીમાર હતા.'' પંકજ ઉધાસના ગીત 'ચિઠ્ઠી આયી હૈ'એ એક સમયે સમગ્ર ભારતને ભાવુક બનાવી દીધું હતું.

તમને જણાવી દઈએ કે પંકજ ઉધાસને તેમના ઉત્કૃષ્ટ કાર્ય માટે 2006માં તત્કાલિન રાષ્ટ્રપતિ ડૉ. એપીજે અબ્દુલ કલામ દ્વારા દેશના ચોથા સર્વોચ્ચ નાગરિક પુરસ્કાર પદ્મશ્રીથી નવાજવામાં આવ્યા હતા. દીકરી નાયાબ ઉધાસના જણાવ્યા મુજબ પંકજ ઉધાસના અંતિમ સંસ્કાર આજે 27 ફેબ્રુઆરી મંગળવારના રોજ બપોરે 3 થી 5 વાગ્યાની વચ્ચે વરલી, મુંબઈમાં હિન્દુ સ્મશાન ગૃહમાં કરવામાં આવશે.

વડાપ્રધાન નરેન્દ્ર મોદીએ પણ પંકજ ઉધાસને શ્રદ્ધાંજલિ આપી છે. માનનીય વડાપ્રધાને ઈન્સ્ટાગ્રામ પર પોસ્ટ કર્યું, 'અમે પંકજ ઉધાસજીના નિધન પર શોક વ્યક્ત કરીએ છીએ, જેમની ગાયકીએ ઘણી લાગણીઓ વ્યક્ત કરી હતી અને જેમની ગઝલો સીધી આત્મા સાથે સંવાદ કરતી હતી. તેઓ ભારતીય સંગીતના દીવાદાંડી હતા, જેમની ધૂન પેઢીઓથી પસાર થતી હતી. મને તેમની સાથે વર્ષોથી થયેલી વિવિધ વાતચીતો યાદ છે. તેમના નિધનથી સંગીત જગતમાં એક ખાલીપો પડી ગયો છે જે ક્યારેય પુરી ન શકાય. તેમના પરિવાર અને ચાહકો પ્રત્યે સંવેદના. શાંતિ.'

We mourn the loss of Pankaj Udhas Ji, whose singing conveyed a range of emotions and whose Ghazals spoke directly to the soul. He was a beacon of Indian music, whose melodies transcended generations. I recall my various interactions with him over the years.

His departure leaves… pic.twitter.com/5xL6Y3Sv75
— Narendra Modi (@narendramodi) February 26, 2024

પોતાના મિત્રને યાદ કરતાં અનૂપ જલોટાએ કહ્યું કે, પંકજજીની તબિયત 5-6 મહિનાથી ખરાબ હતી, જેની મને પહેલેથી જ જાણ હતી. આ રોગ કોઈને છોડતો નથી પરંતુ મને વિશ્વાસ નહોતો કે આટલું જલ્દી થશે. છેલ્લા 2-3 મહિનાથી હું તેમને ફોન કરવાનો પ્રયાસ કરી રહ્યો હતો, પરંતુ તેનો ફોન આવતો ન હતો, તેથી હું સમજી ગયો કે તેની તબિયત બગડી રહી છે. મેં મારો મિત્ર ગુમાવ્યો છે. હું, પંકજ અને તલતની ત્રણેયની જોડી ખૂબ પ્રખ્યાત હતી. પંકજ ઉધાસના નિધનથી હું ખૂબ જ દુઃખી છું. તેમનું બહુ મોટું યોગદાન છે. તેમના આત્માને શાંતિ મળે તેવી ભગવાનને પ્રાર્થના.

Shocking 😞.... Music legend & my Friend #PankajUdhas passes away. We extend our heartfelt condolences to his Family and loved ones during this difficult time. 🙏 pic.twitter.com/JT7f8tFMUn
— Anup Jalota (@anupjalota) February 26, 2024

Who was Ghazal singer Pankaj Udhas: ગઝલ ગાયક પંકજ ઉધાસ કોણ હતા?

પંકજ ઉધાસ ચારણ એક ભારતીય ગઝલ ગાયક હતા. તેમનો જન્મ 17 મે 1951ના રોજ ગુજરાતમાં રાજકોટ નજીક ચરખડી-જૈતપુરમાં થયો હતો.

પંકજ ઉધાસ તેમના ગીત 'ચિઠ્ઠી આયી હૈ'થી દેશભરમાં લોકપ્રિય થયા હતા. ત્યારથી તેમણે ઘણી ફિલ્મો માટે પ્લેબેક સિંગર તરીકે પોતાનો અવાજ આપ્યો છે. તેમણે અનેક આલ્બમ્સ પણ રેકોર્ડ કર્યા.

પંકજ ઉધાસને 2006માં પદ્મશ્રીથી નવાજવામાં આવ્યા હતા. તેમણે એક કુશળ ગઝલ ગાયક તરીકે વિશ્વભરમાં ઓળખ મેળવી હતી.

પંકજ ઉધાસ ત્રણ ભાઈઓમાં સૌથી નાના હતા. તેમના પિતાનું નામ કેશુભાઈ ઉધાસ અને માતાનું નામ જીતુબેન ઉધાસ છે. તેમના પિતા કેશુભાઈ ઉધાસ સરકારી નોકરી કરતા હતા. પંકજ ઉધાસના ભાઈઓ નિર્મલ ઉધાસ અને મનહર ઉધાસ પણ પ્રખ્યાત ગાયક છે.

પંકજ ઉધાસે તેમનું શિક્ષણ સર બીપીટીઆઈ ભાવનગરમાંથી મેળવ્યું હતું. જે બાદ તેનો પરિવાર મુંબઈ આવ્યો અને પંકજે ત્યારબાદ સેન્ટ ઝેવિયર્સ કોલેજમાં અભ્યાસ કર્યો. પંકજ ઉધાસે હિન્દુસ્તાની ગાયક શાસ્ત્રીય સંગીત ગુલામ કાદિર ખાન સાહેબ પાસેથી શીખ્યા. તે પછી પંકજ ઉધાસે ગ્વાલિયર ઘરાનાના ગાયક નવરંગ નાગપુરકર પાસેથી પણ સંગીતની કળા શીખી.

Pankaj Udhas Career: પંકજ ઉધાસની કારકિર્દી?

પંકજ ઉધાસે સૌપ્રથમ 1972માં આવેલી ફિલ્મ કામનામાં પોતાનો અવાજ આપ્યો હતો. આ પછી પંકજ ઉધાસે ગઝલ ગાયકીમાં કારકિર્દી બનાવવાનું વિચાર્યું. જેના માટે તેણે ઉર્દૂ પણ શીખી હતી. જોકે, તેને ખાસ સફળતા મળી ન હતી.

જે બાદ પંકજ ઉધાસ કેનેડા ગયા હતા. ત્યાં તેમણે અમેરિકામાં નાના-નાના કાર્યક્રમોમાં ગઝલો ગાવાનું શરૂ કર્યું. થોડા વર્ષો પછી તે ફરી ભારત આવ્યો.

પંકજ ઉધાસનું પહેલું ગઝલ આલ્બમ ''આહત'' 1980માં રિલીઝ થયું હતું. આ પછી પંકજ ઉધાસને સફળતા મળવા લાગી. 2009 સુધીમાં તેમણે 40 આલ્બમ બહાર પાડ્યા હતા.

1986માં પંકજને ફિલ્મ 'નામ'માં ગાવાનો મોકો મળ્યો. જેમાં તેમણે 'ચિઠ્ઠી આયી હૈ' ગીત ગાયું હતું જે હિટ થયું હતું. આ પછી તે ણે ઘણી હિન્દી ફિલ્મો માટે ગીતો ગાયા.