Pics : ફિલ્મફૅરથી ધરાતાં નથી બેબો, ધર્યો વધુ એક હૉટ અવતાર!

Published: Tuesday, September 10, 2013, 15:54 [IST]

મુંબઈ, 10 સપ્ટેમ્બર : અભિનેત્રી કરીના કપૂરની તસવીર લગભગ વીસ વાર ફિલ્મફૅર મૅગેઝીનના કવર પેજ ઉપર પ્રસિદ્ધ થઈ ચુકી છે. તેમણે છ ફિલ્મફૅર પુરસ્કારો પણ જીત્યાં છે, પરંતુ આમ છતાં તેમનું માનવું છે કે ફિલ્મફૅર પુરસ્કારોથી ક્યારેય તેમનું મન ભર્યું નથી.

ફિલ્મફૅર મૅગેઝીનના તાજેતરની આવૃત્તિમાં પણ કરીના કપૂરની તસવીર મુખપૃષ્ઠ ઉપર પ્રસિદ્ધ થઈ છે. 32 વર્ષીય કરીનાએ તેના લૉન્ચિંગ પ્રસંગે જણાવ્યું - હું ફિલ્મફૅરની ટીમનો આભાર વ્યક્ત કરવા માંગીશ કે તેમણે મૅગેઝીનના મુખપૃષ્ઠ માટે મારી પસંદગી કરી. આ મારા માટે 19મો કે 20મો પ્રસંગ છે, પરંતુ હજી હું ધરાઈ નથી.

નોંધનીય છે કે સૈફ અલી ખાન સાથે લગ્ન કર્યા બાદ કરીના કપૂર સતત ચર્ચામાં રહે છે. લગ્ન બાદ તેમની પ્રથમ ફિલ્મ સત્યાગ્રહ તાજેતરમાં જ રિલીઝ થઈ છે, તો આગામી ફિલ્મ ગોરી તેરે પ્યાર મેં અંગે પણ તેઓ ચર્ચાના એરણે છે, કારણ કે આ ફિલ્મમાં તેઓ સગર્ભા મહિલાનો રોલ કરી રહ્યાં છે. ફિલ્મમાં તેમની સાથે ઇમરાન ખાન છે.

આવો તસવીરો સાથે જોઇએ અને જાણીએ વધુ વિગતો :

આ તો ઝંખના છે

કરીનાએ જણાવ્યું - ફિલ્મફૅર પત્રિકાના મુખપૃષ્ઠ પર આવવું કે ફિલ્મફૅર પુરસ્કાર પામવું ક્યારેય ઇનફ નથી રહ્યું. આ જ એક વસ્તુ છે કે જે દરેક ભારતીય અભિનેત્રી અને અભિનેત્રીની ઝંખના હોય છે.

કરીનાએ કર્યું લૉન્ચિંગ

કરીના કપૂરે તાજેતરમાં ફિલ્મફૅર મૅગેઝીનની આ સપ્ટેમ્બર 2013ની આવૃત્તિનું લૉન્ચિંગ કર્યું. આ આવૃત્તિમાં ફિલ્મો તથા સિને જગત સાથે જોડાયેલી ગૉસિપ સામગ્રી ઉપરાંત ફૅશન, જીવનશૈલી તથા સુખ-સુવિધાની માહિતી પણ હશે.