સિંઘમ નહીં, ખેલાડી છે આ, ડૉન સાથે સંઘર્ષ ટાળ્યો!

મુંબઈ, 13 જૂન : સિંઘમનો ભાવાર્થ સાહસી થાય છે કે જે કોઈ પણ પરિસ્થિતિમાં દુશ્મન સામે ઝુકતો નથી, પછી ભલે તેને નુકસાન પણ થઈ જાય, પરંતુ ખેલાડી એને કહેવાય છે કે જે દુશ્મન સામે સંઘર્ષ કરવાની જગ્યાએ એનાથી હાર્યા વગર પોતાનો ફાયદો જોતો હોય. આપણા બૉલીવુડના ખેલાડી કંઇક એવા જ છે કે જેમણે સિંઘમની જેમ ડૉન સાથે બાથ ભીડવાના સ્થાને પોતાની ફિલ્મની રિલીઝ ડેટ એક સપ્તાહ આગળ વધારી દીદી છે.

આપ સમજી જ ગયા હશો કે અમે કયા અને કોના સંદર્ભમાં વાત કરી રહ્યાં છીએ. બૉલીવુડમાં ખેલાડી તરીકે જાણીતા અક્ષય કુમાર અને ડૉન તરીકે પ્રખ્યાત શાહરુખ ખાન વચ્ચે 8મી ઑગસ્ટે ઈદ પ્રસંગે બૉક્સ ઑફિસે થનારો સંભવિત ટકરાવ ટળી ગયો છે, કારણ કે 8મીએ ચેન્નઈ એક્સપ્રેસ તો રિલીઝ થઈ રહી છે, પણ વન્સ અપૉન ઍ ટાઇન ઇન મુંબઈ દોબારા ફિલ્મની રિલીઝ ડેટ 15મી ઑગસ્ટ કરી દેવાઈ છે.

બૉક્સ ઑફિસે શાહરુખ ખાન સાથે સામાન્ય રીતે સલમાન ખાન ટક્કર લેતા હોય છે, પરંતુ છેલ્લે મોટી ટક્કર ગત વર્ષે દીવાળીએ થઈ હતી કે જ્યારે શાહરુખની જબ તક હૈ જાન અને સિંઘમ એટલે કે અજય દેવગણ અભિનીત સન ઑફ સરદાર એક જ દિવસે રિલીઝ થઈ હતી. ફિલ્મની રિલીઝ અગાઉ બંને અભિનેતાઓ વચ્ચે સંઘર્ષ થયો હતો અને અજયે આરોપ લગાવ્યો હતો કે તેમને પોતાની ફિલ્મ જબ તક હૈ જાન સાથે નહીં રિલીઝ કરવા માટે ધમકાવાઈ રહ્યો છે. જોકે તેમાં નુકસાન અજયને જ થયો હતો, કારણ કે જબ તક હૈ જાન સુપરહિટ રહી હતી, જ્યારે સન ઑફ સરદાર સરેરાશ રહી હતી.

બીજી બાજુ અક્ષય કુમારની વન્સ અપૉન ઍ ટાઇન ઇન મુંબઈ દોબારા અને શાહરુખની ચેન્નઈ એક્સપ્રેસ 8મી ઑગસ્ટે એક જ દિવસે રિલીઝ થવાની હતી, પરંતુ ફિલ્મના દિગ્દર્શક મિલન લુથરિયાએ સ્પષ્ટતા કરી છે કે ફિલ્મ હવે 15મી ઑગસ્ટે રિલીઝ થશે. આ સાથે જ બૉક્સ ઑફિસે મોટો ટકરાવ ટળી ગયો છે.

English summary

The title of director Milan Luthria’s forthcoming movie "Once Upon A Time In Mumbaai Again" has been changed to "Once Upon A Time In Mumbaai Dobara" and it will hit the screens Aug 15. Now, fight averted between Akshay Kumar And Shahrukh Khan.