દિગ્દર્શક બનવા માંગે છે ગિપ્પી મૉમ દિવ્યા દત્તા

મુંબઈ, 24 જૂન : વીર ઝારા તથા દિલ્લી 6 જેવી ફિલ્મોમાં અભિનય કરી ચુકેલા બૉલીવુડ અભિનેત્રી દિવ્યા દત્તા હવે ફિલ્મ દિગ્દર્શન ક્ષેત્રે ઝંપલાવવા માંગે છે.

તાજેતરમાં જ ગિપ્પી ફિલ્મમાં દેખાયેલા દિવ્યાએ એક વાતચીત દરમિયાન જણાવ્યું - હું ભાગ્યશાળી છું કે મેં મધુર ભંડારકર તથા રાકેશ ઓમપ્રકાશ મહેરા જેવા અનેક મોટા દિગ્દર્શકો સાથે કામ કર્યું છે. ભવિષ્યમાં હું ફિલ્મોનું દિગ્દર્શન કરવા માંગુ છું, પરંતુ હાલ એવું કંઈ નથી.

દિવ્યા દત્તા એમ પણ માને છે કે કોઈ ફિલ્મનું એકલા દિગ્દર્શન કરવા માટે એ જરૂરી નથી કે અગાઉ કોઇક દિગ્દર્શક સાથે સહાયક દિગ્દર્શક તરીકે કામ કરવામાં જ આવે. પોતાનું પ્રથમ પુસ્તક લખવા જઈ રહેલા દિવ્યાએ જણાવ્યું - હાલ હું લેખન જ કરી રહી છું. હું લેખન અંગે કાયમ ઉત્સુક રહીછું. હાલ હું નવલકથા લખી રહી છું. લેખન મારા માટે અભિનયની જેમ જ સ્વાભાવિક છે.

દિવ્યાએ તાજેતરમાં રિલીઝ થયેલ કરણ જૌહર નિર્મિત અને સોનમ નાયર દિગ્દર્શિત ગિપ્પી ફિલ્મમાં માતાનો રોલ કર્યો હતો. ફિલ્મમાં રિયા વિજ લીડ રોલમાં હતાં.

English summary

Gippi Mom Divya Dutta plans to turn director.