ધૂમ 3ની 500 કરોડની કમાણી, આમિરમાં સમાણી!

મુંબઈ, 7 જાન્યુઆરી : આમિર ખાનની ફિલ્મ ધૂમ 3નું ફીવર માથે ચડી પોકારી રહ્યું છે. આમિરે ધૂમ 3 બ્રાન્ડનું લેવલ વધુ હાઈ કરી નાંખ્યું છે. ફિલ્મે અત્યાર સુધી ઑફિસિયલી 500 કરોડ કરતા વધુ કમાણી કરી લીધી છે. માત્ર ભારત જ નહીં, ઓવરસીઝમાં પણ ધૂમ 3એ સફળતાના ઝંડા ગાડ્યાં છે. સરવાળે 20 ડિસેમ્બરે રિલીઝ થયા બાદ 18 દિવસનું અધિકૃત કલેક્શન 500 કરોડ કરતા વધુ છે, પણ ધૂમ 3ની આ સફળતાનો સમગ્ર શ્રેય આમિર ખાનને જ અપાઈ રહ્યો છે અને આ બાબતથી ક્યાંકને ક્યાંક અભિષેક બચ્ચન તેમજ ઉદય ચોપરાને માઠુ લાગી રહ્યું છે. આમ છતાં અભિષેકના કામને હળવાશથી લેવાને કોઈ કારણ નથી.

આમિર ખાને ધૂમ 3 ફિલ્મના શૂટિંગ દરમિયાન પોતાના તરફથી ઘણા ઇનપુટ્સ આપ્યા હતાં. જોકે પછીથી આદિત્ય ચોપરા અને ઉદય ચોપરા તરફથી એ જ વાત સામે આવી કે ધૂમ 3ની વાર્તા એટલી પરફેક્ટ હતી કે કોઈને પણ પોતાના ઇનપુટ્સ આપવાની જરૂર જ ન પડી, પણ આમ છતાં મિસ્ટર પરફેક્શનિસ્ટ તરફથી પરફેક્શન લાવવાની કોશિશ ધૂમ 3 દરમિયાન સ્પષ્ટપણે દેખાઈ અને એવુ કરાતાં કેટલાંક સીન્સ શૂટ થયા બાદ રિવ્યૂ કરાયા અને તેમને ફરીથી શૂટ કરાયાં. તેનાથી લાખોનો નુકસાન થયો, પણ ફિલ્મની સફળતાએ આ નુકસાનને ઢાંકી દીધી.

ધૂમ 3 ફિલ્મમાં અભિષેક બચ્ચન અને ઉદય ચોપરા ઉપરાંત કૅટરીના કૈફ પણ મુખ્ય ભૂમિકામાં હતાં, પરંતુ અભિષેક અને ઉદયનું પાત્ર કંઈ ખાસ નજરે ન ચડ્યું. એમ લાગ્યું કે જાણે આખી ફિલ્મ આમિર ખાન ઉપર જ કેન્દ્રિત થઈ ગઈ છે. જોકે અભિષેકે એક ઇંટરવ્યૂ દરમિયાન જણાવ્યુ હતું કે ધૂમ 3 તેમની ફિલ્મ છે અને તેઓ જ ધૂમ 3ના હિરો છે, પરંતુ ફિલ્મ જોયા બાદ લોકોને લાગ્યું કે ધૂમ 3નો મતલબ આમિર ખાન સિવાય કંઈ જ નથી.

English summary

Dhoom 3 collects more than 500 crore including overseas collection and becomes highest Box Office collection movies of Bollywood till now.