ફિલ્મ 'બ્રહ્માસ્ત્ર'નો ફેન્સ કેમ કરી રહ્યા છે વિરોધ? સોશિયલ મીડિયા પર ઉઠી બૉયકૉટ કરવાની માંગ

ફિલ્મ 'બ્રહ્માસ્ત્ર'નુ ટ્રેલર રિલીઝ થતા જ ટ્વિટર પર ફિલ્મને બૉયકૉટ કરવાની ફેન્સ માંગ કરી રહ્યા છે.

મુંબઈઃ છેવટે ફેન્સની આતુરતાનો અંત આવ્યા બાદ અયાન મુખર્જીના ડાયરેક્શનમાં બનેલી ફિલ્મ 'બ્રહ્માસ્ત્ર'નુ ટ્રેલર રિલીઝ થઈ ગયુ છે. ટ્રેલરમાં રણબીર કપૂર અને આલિયા ભટ્ટને એકસાથે જોવા માટે ફેન્સ ઘણા એક્સાઈટેડ છે. ટ્રેલરમાં બતાવેલ ફિલ્મના VFX સીન્સની જોરદાર પ્રશંસા થઈ રહી છે. પરંતુ બીજી તરફ, ટ્રેલર રિલીઝ થતા જ ટ્વિટર પર ફિલ્મને બૉયકૉટ કરવાની ફેન્સ માંગ કરી રહ્યા છે.

ફિલ્મ 'બ્રહ્માસ્ત્ર' પર ફૂટ્યો ફેન્સનો ગુસ્સો

તમને જણાવી દઈએ કે ફિલ્મ 'બ્રહ્માસ્ત્ર'ના ટ્રેલરમાં રણબીર કપૂર અને આલિયા ભટ્ટની એક સાથેની કેમેસ્ટ્રી ફેન્સને ખૂબ જ પસંદ આવી રહી છે. ઘણા ચાહકોએ ટ્રેલરમાં બતાવવામાં આવેલા દ્રશ્યની તુલના હૉલીવુડ સાથે કરી છે. ટ્રેલરમાં એક સીન બતાવવામાં આવ્યો છે. જેને જોયા બાદ યુઝર્સ સોશિયલ મીડિયા પર ગુસ્સે થઈ ગયા અને ટ્વિટર પર #BoycottBrahmastra ટ્રેન્ડ કરવાનુ શરૂ કર્યુ.

Wear shoes and hit the ghanta of the temple.... recent Urduwood attempt as a brahmastra. This is the major difference in South and Hindi movies, south industry shows respect to our Hindu culture but Urduwood mix some Urdu values into it 😯#BoycottBrahmastra pic.twitter.com/8wx38Wqrav

— Hindu Bhagwadhari🚩 (@sBHm1) June 15, 2022

ટ્વિટર પર ટ્રેન્ડ કરી રહ્યો છે આ સીન

ફિલ્મના ટ્રેલરનો સ્ક્રીનશૉટ ટ્વિટર પર ઝડપથી વાયરલ થઈ રહ્યો છે. જેમાં રણબીર કપૂર મંદિરમાં પ્રવેશ કરે છે અને કૂદીને બેલ વગાડે છે. આ દરમિયાન તેણે જૂતા પહેર્યા હતા. આ જોઈને ફેન્સ ગુસ્સે થઈ ગયા અને સોશિયલ મીડિયા પર ફિલ્મનો બહિષ્કાર કરવાની માંગ શરૂ થઈ ગઈ. એક યુઝરે લખ્યુ- 'ચંપલ પહેરીને મંદિરમાં પ્રવેશવુ... આવી અપેક્ષા રાખી શકાય.. બૉલિવૂડ ક્યારેય સનાતન ધર્મને નુકસાન પહોંચાડવાની તક છોડતું નથી.'

We will never forget,
Never forgive.. #BoycottBrahmastra#BoycottBollywood forever

CBI Do Justice To Sushant pic.twitter.com/NrkeiRfjm1

— Cutie💕#BoycottBollywood (@CutieKitty___) June 16, 2022

યુઝર્સે સંભળાવી ખરી-ખોટી

બીજી તરફ અન્ય એક યુઝરે આ સીનનો સ્ક્રીનશૉટ શેર કરીને ફિલ્મને ઘેરી હતી અને તેને ટ્વિટર પર શેર કરતી વખતે કેપ્શનમાં લખ્યુ હતુ કે, 'જૂતા પહેરીને મંદિરની ઘંટ વગાડવી... સાઉથ અને હિન્દી ફિલ્મોમાં આ જ તફાવત છે... સાઉથ ઈન્ડસ્ટ્રી હિંદુ સંસ્કૃતિનુ સન્માન કરે છે. વળી, અન્ય એક યુઝરે સુશાંત સિંહ રાજપૂતને યાદ કરીને આલિયા ભટ્ટ પર ગુસ્સો કર્યો. જ્યારે આલિયાએ કરણ જોહરના શોમાં સુશાંતને મારવાનુ ઑપ્શન પસંદ કર્યુ હતુ.

ફિલ્મ આ દિવસે થશે રિલીઝ

તમને જણાવી દઈએ કે પહેલીવાર રણબીર કપૂર અને આલિયા ભટ્ટ સ્ક્રીન પર સાથે જોવા મળશે. આ ફિલ્મમાં રણબીર કપૂર, આલિયા ભટ્ટ, અમિતાભ બચ્ચન, નાગાર્જુન અને મૌની રોય મુખ્ય ભૂમિકામાં છે. આ ફિલ્મ અલગ-અલગ ભાષાઓમાં રિલીઝ થશે. નિર્દેશક અયાન મુખર્જીએ આ ફિલ્મ બનાવવામાં ઘણો સમય લીધો હતો. હવે જોવાનુ એ રહેશે કે આટલી લાંબી રાહ જોવડાવ્યા બાદ 9 સપ્ટેમ્બરે આ ફિલ્મ ચાહકોની અપેક્ષાઓ પર ખરી ઉતરી શકશે કે નહીં.

English summary

'Boycott Brahmastra' trend on social media because of Ranbir Kapoor