Pics : ભાંગી પડ્યાં પ્રિયંકા, બૉલીવુડએ આપ્યો સધિયારો

Updated: Wednesday, June 12, 2013, 12:38 [IST]

મુંબઈ, 12 જૂન : બૉલીવુડ અભિનેત્રી પ્રિયંકા ચોપરા ભાંગી પડ્યાં છે. તેમના લવિંગ ફાધરના અકાળે અવસાને પ્રિયંકાને ભાંગી નાંખ્યાં છે. પ્રિયંકાના મિત્રો જ નહિં, પણ સમગ્ર બૉલીવુડ જાણે છે કે પ્રિયંકા પોતાના પપ્પાને કેટલો પ્રેમ કરતા હતાં.

ડૉ. અશોક ચોપરાનું ગત સોમવારે કૅંસરની બીમારીના પગલે નિધન થઈ ગયુ હતું. સોમવારે જ તેમનું અંતિમ સંસ્કાર કરવામાં આવ્યું કે જેમાં શાહરુખ ખાન તથા કરણ જૌહર સહિત પ્રિયંકાના અનેક મિત્રો અને નિકટના સાથીઓએ હાજરી આપી હતી. પિતાના મોતથી પ્રિયંકા ચોપરા સાવ ભાંગી પડ્યાં છે.

પ્રિયંકા હાલ સંજય લીલા ભાનુશાળીની મૅરી કોમ ફિલ્મમાં વ્યસ્ત હતાં, પરંતુ પિતાની તબીયત ખરાબ થતાં તેમણે તમામ શૂટિંગ અને રિહર્સલ રદ્દ કરી નાંખી હતી. દરમિયાન ગઈકાલે પ્રિયંકા ચોપરાના પિતાનું બેસણું યોજાયું અને સમગ્ર બૉલીવુડ ઉમટી પડ્યું. બેસણા દરમિયાન પણ પ્રિયંકા ચોપરા ઘેરા આઘાતમાં અને ભાંગી પડેલા દેખાતા હતાં. બૉલીવુડની મોટાભાગની હસ્તીઓએ બેસણામાં પહોંચી પ્રિયંકા ચોપરાનને માનસિક સહારો આપ્યો.

આવો તસવીરોમાં જોઇએ કોણ-કોણ પહોંચ્યું પ્રિયંકાના પિતાના બેસણામાં?