Bye Bye 2014 : પ્રિયંકા રહી ટોચે, તો આલિયા સામે દીપિકા ફુસ્સ...જુઓ Top 10 List

Updated: Tuesday, December 16, 2014, 13:53 [IST]

અમદાવાદ, 16 ડિસેમ્બર : વર્ષ 2014માં બેસ્ટ એક્ટરની પસંદગી કરવી હોય, તો કદાચ તે સરળ હશે, પરંતુ બેસ્ટ એક્ટ્રેસની પસંદગીનું કામ ખૂબ જ મુશ્કેલ છે, કારણ કે આ વર્ષે બૉલીવુડની ટૉપ એક્ટ્રેસિસ ઉપરાંત કેટલીક એવી અભિનેત્રીઓએ પોતાના બહેતરીન અભિનય વડે દર્શકોને આશ્ચર્યમાં મૂક્યા છે. તેમના આવા પ્રદર્શન અંગે કદાચ કોઇએ વિચાર્યું જ નહીં હોય. આલિયા ભટ્ટ કે જેમણે ગત વર્ષે જ પોતાના એક્ટિંગ કૅરિયરની શરુઆત કરી, તેઓ આ વર્ષની બેસ્ટ એક્ટ્રેસની યાદીમાં ટૉપ 3ની પૉઝિશને પહોંચી ગયાં છે.

આલિયા ભટ્ટ કરતા થોડાક જ વોટ પાછળ છે કંગના રાણાવત કે જેમણે ક્વીન ફિલ્મ દ્વારા લોકોને જણાવી દીધું કે અભિનયને મર્યાદાઓમાં બાંધી ન શકાય. આ ઉપરાંત સૌથી વોટ્સ સાથે પ્રિયંકા ચોપરા હાલ આ યાદીમાં સૌથી આગળ છે.

તો આવો જોઇએ ટૉપ એક્ટ્રેસિસસની યાદીમાં કઈ-કઈ અભિનેત્રીઓને દર્શકોએ સૌથી વધુ વોટ આપ્યાં છે :

પ્રિયંકા ચોપરા

સૌથી વધુ વોટ્સ સાથે પ્રિયંકા ચોપરા હાલ બેસ્ટ એક્ટ્રેસની યાદીમાં ટોચે છે. મૅરી કોમ દ્વારા પ્રિયંકાએ પોતાના અભિનય પ્રતિભાનો એક શ્રેષ્ઠ દાખલો રજૂ કર્યો છે.

આલિયા ભટ્ટ

ઇમ્તિયાઝ અલીએ પોતાની ફિલ્મ હાઈવેથી બધાનું ધ્યાન ખેંચ્યું. આલિયાના બહેતરીન અને હૃદયસ્પર્શી અભિનયથી દર્શકો ખૂબ જ પ્રભાવિત થયાં. વર્ષોથી ઇંડસ્ટ્રીમાં કામ કરતી અભિનેત્રીઓને માત આપી આલિયા આ યાદીમાં બીજા સ્થાને છે.

કંગના રાણાવત

ક્વીન દ્વારા કંગના રાણાવતે બૉલીવુડની ટોચની અભિનેત્રીઓની યાદીમાં પોતાનો સમાવેશ કરાવ્યો. કંગના હંમેશાથી શ્રેષ્ઠ અભિનેત્રી રહ્યાં છે. જોકે ક્વીન દ્વારા બૉલીવુડના દરેક દિગ્ગજની નજરો કંગના પર આવી ટકી ગઈ.

દીપિકા પાદુકોણે

વર્ષ 2013ની બેસ્ટ અભિનેત્રી દીપિકા પાદુકોણે માટે 2014 ખાસ ન રહ્યું. જોકે તેઓ ફાઇંડિંગ ફૅની, ચેન્નઈ એક્સપ્રેસ જેવી બહેતરીન તેમજ હિટ ફિલ્મોનો ભાગ રહ્યાં, પરંતુ અભિનેત્રી દર્શકોને ઇમ્પ્રેસ કરવામાં પાછળ રહી ગયાં. છતાં ચોથુ સ્થાન તો બને જ છે.