હેલન અને મા સલમા ખાન વચ્ચે કેવો છે સંબંધ, અરબાઝ ખાને કર્યો ચોંકાવનારો ખુલાસો

સલમાન ખાનના પિતા સલીમ ખાને બે લગ્ન કર્યા હતા અને બીજા લગ્ન પ્રખ્યાત અભિનેત્રી હેલન સાથે હતા. ઘણી વાર એવા અહેવાલો સામે આવતા રહે છે કે તેમનો પરિવાર એક બીજા સાથે શાનદાર રીતે રહે છે.

જોકે હાલમાં અભિનેતા અને નિર્દેશક અરબાઝ ખાને પિતા સલીમ ખાન અને તેની માતા સલમા સાથે હેલન આંટી વિશે કેટલાક ખુલાસા કર્યા છે. તેણે કહ્યું છે કે આ ત્રણેયના સંબંધો કેવા છે અને આન્ટી હેલનના આવ્યા પછી તેની માતાને લઈને પિતામાં કોઈ ફેરફાર થયો છે કે કેમ.

અરબાઝ ખાન એક પોર્ટલ સાથે વાતચીત દરમિયાન કહ્યુ કે તે ખુશ છે કારણ કે આજે પિતા તેની માતા સલમા ખાન સાથે બેસે છે અને તેનો હાથ પકડીને વાતો કરે છે. તેણે કહ્યું કે મારા પિતાએ ક્યારેય આન્ટી હેલનને અમારા પર થોપ્યા નથી. તે જાણતા હતા કે બાળકો માટે તેમની માતા મહત્વપૂર્ણ છે. મારા જીવનમાં બીજી એક મહિલા છે પણ તેનું સ્થાન છે. હેલન આન્ટીએ ક્યારેય અમને અલગ કરવાનો પ્રયાસ કર્યો નથી.

તે માત્ર એ વાતથી ખુશ હતા કે તેમના જીવનમાં કોઈ છે, તમે બસ તેમના માટે રહેશો અને તે જાણતા હતા કે તેમનો પોતાનો પરિવાર, પત્ની અને બાળકો છે અને તે આમાં અડચણ નહિ નાખે. તે સમયે મારી માતા માટે તે ખૂબ જ મુશ્કેલ હતું. પરંતુ તેમણે તેનો સામનો કર્યો.

તેમના પોતાના સંઘર્ષ છે જે અમે બાળપણમાં જોયા છે પરંતુ તેઓ તેમાંથી પસાર થયા છે. અને આજે, તેઓ બધા અવિભાજ્ય છે. અરબાઝ ખાનનું આ નિવેદન સમાચારમાં છે અને તેણે કહ્યુ કે ખાન પરિવાર ખરેખર અતૂટ છે. ઘણીવાર સલમાન ખાન પણ હેલન આન્ટીને તેની બીજી માતાનો દરજ્જો આપતો જોવા મળે છે.

English summary

Arbaaz Khan made a shocking revelation on relationship between Helen Aunty and mother Salma Khan.