'મને રૂમમાં બોલાવીને કહ્યુ, ફિલ્મમાં હીરોઈન બનવુ હોય તો પ્રોડ્યુસર સાથે સૂઈ જા'

અંકિતાએ એક ઈન્ટરવ્યુમાં પોતાની સાથે થયેલ કાસ્ટીંગ કાઉચની ઘટનાનો ખુલાસો કર્યો છે.

મુંબઈઃ અંકિતા લોખંડે ટીવીથી શરૂઆત કર્યા બાદ હવે ફિલ્મોમાં પણ કામ કરી રહી છે. અંકિતા હાલમાં એક્ટિંગની દુનિયાનો જાણીતો ચહેરો છે પરંતુ કરિયરના શરૂઆતના દિવસોમાં તેને કામ કામ મેળવવા માટે અસહજ કરી દેતા સવાલોનો પણ સામનો કરવો પડ્યો હતો. અહીં સુધી કે તેને ફિલ્મમાં હીરોઈન બનવા માટે પ્રોડ્યુસર સાથે સૂવા માટે કહેવામાં આવ્યુ. અંકિતાએ એક ઈન્ટરવ્યુમાં પોતાની સાથે થયેલ આ ઘટનાનો ખુલાસો કર્યો છે.

અંકિતાએ જણાવ્યો 15-16 વર્ષ પહેલાનો અનુભવ

અંકિતા લોખંડેએ બૉલિવુડ બબલને એક ઈન્ટરવ્યુ આપ્યો છે. ઈન્ટરવ્યુમાં તેને સવાલ કરવામાં આવ્યો હતો કે શું તેણે ફિલ્મ ઈન્ડસ્ટ્રીમાં કાસ્ટિંગ કાઉચ જેવી વસ્તુનો સામનો કર્યો. તેના જવાબમાં અંકિતાએ કહ્યુ કે હા તેની સાથે આ થયુ છે. અંકિતાએ જણાવ્યુ કે 15-16 વર્ષ પહેલા જ્યારે કરિયર શરૂ જ કરી રહી હતી તો તેને કહેવામાં આવ્યુ હતુ કે જો તે ફિલ્મ પ્રોડ્યુસર સાથે સૂઈ જશે તો તેને કામ મળશે. આ સાઉથની ફિલ્મ માટે કહેવામાં આવ્યુ હતુ.

અંકિતાએ કરી દીધો સ્પષ્ટ ઈનકાર

અંકિતાએ કહ્યુ, 'હું ત્યારે બહુ નાની હતી, 19-20 વર્ષની ઉંમર હશે. એક્ટિંગમાં કરિયર બનાવવાની કોશિશ કરી રહી હતી ત્યારે મને સાઉથની ફિલ્મ માટે ઑફર આવી. જ્યારે હું તેના ઑડિશન માટે પહોંચી તો એક વ્યક્તિએ મને રૂમમાં બોલાવી અને પૂછ્યુ કે શું હું કામ મેળવવા માટે અમુક કોમ્પ્રોમાઈઝ કરી લઈશ? મે પૂછ્યુ કે કયા પ્રકારનુ કોમ્પ્રોમાઈઝ કરવુ પડશે? આના પર તેમણે પહેલા કહ્યુ કે રાતે મારે પાર્ટીઓ વગેરે કરવી. પછી તેમણે કહ્યુ કે તમારે પ્રોડ્યુસર સાથે સૂવુ પડશે, ત્યારે કામ મળશે. આના પર અંકિતાએ કહ્યુ કે તો તમે એક્ટિંગ માટે કેમ બોલાવી રહ્યા છો, સ્પષ્ટ કહી દો કે પ્રોડ્યુસર સાથે સૂવા માટે છોકરી જોઈએ.' અંકિતાએ જણાવ્યુ કે ત્યારબાદ તે ઝડપથી રૂમમાંથી નીકળી ગઈ.

અંકિતા પવિત્ર રિશ્તાથી બની ગઈ હતી ટીવીનો લોકપ્રિય ચહેરો

અંકિતા લોખંડે ટીવીનો બહુ જાણીતુ નામ રહ્યુ છે. ફિલ્મોમાં પણ તે કામ કરી ચૂકી છે. અંકિતાને ટીવી શો પવિત્ર રિશ્તાથી ઓળખ મળી હતી. જેમાં તે અભિનેતા સુશાંત સિંહ રાજપૂત સાથે દેખાઈ હતી. અંગત જિંદગીમાં પણ સુશાંત સાથે સંબંધ માટે તે ઘણી ચર્ચામાં રહી હતી. ટીવી પર અંકિતા ડાંસ શો ઝલક દિખલા જા અને કૉમેડી સર્કસમાં પણ કામ કરી ચૂકી છે. અંકિતા બૉલિવિડમાં ફિલ્મ મણિકર્ણિકામાં કંગના રનોત સાથે કામ કરી ચૂકી છે.

English summary

Ankita Lokhande shared casting couch incident in which she was asked to sleep with the producer for work